Drosha

Os membros da superfamilia da ribonuclease III de endorribonucleases específicas para ARN bicatenario participan en diversas vías de maduración e degradación do ARN en células eucariotas e procariotas.^[5] A RNase III Drosha é a nuclease central que executa o paso de iniciación do procesamento do microARN no núcleo celular.^[4][6]

Os microARNs (miARN) que se xeran desa maneira son moléculas curtas de ARN que regulan gran variedade de xenes ao interaccionar co complexo silenciador inducido por ARN (RISC) para inducir a clivaxe de ARNs mensaxeiros que presentan complementariedade de bases como parte da vía de interferencia de ARN. As moléculas de microARN sintetízanse como transcritos primarios longos chamados pri-miARN, que son despois clivados (cortados) por Drosha para producir unha estrutura característica en talo-bucle duns 70 pares de bases, chamada pre-miARN.^[6] Drosha forma parte do complexo proteico chamado Complexo microprocesador, que tamén comtén a proteína de unión ao ARN bicatenario Pasha (tamén chamada DGCR8).^[7] Pasha é esencial para a actividade de Drosha e pode unirse a fragmentos monocatenarios do pri-miARN que son necesarios para un correcto procesamento.^[8]

A proteína Drosha humana clonouse en 2000, unha vez que foi identificada como unha ribonuclease de ARN bicatenario nuclear implicada no procesamento de precursores do ARN ribosómico.^[3] Os outros dous encimas humanos que participan no procesamento e actividade do miARN son o Dicer e as proteínas Argonauta.

Tanto Drosha coma Pasha están localizadas no núcleo celular, onde ten lugar o procesamento do pri-miARN a pre-miARN. Esta última molécula continúa procesándose despois pola RNase Dicer dando os miARNs maduros no citoplasma da célula.^[6] Drosha e Dicer participan ambos tamén na resposta aos danos no ADN.^[9]

Drosha e outros encimas que procesan os miARNs poden ser importantes no prognóstico do cancro.^[10] Tanto Drosha coma Dicer poden funcionar como reguladores mestres do procesamento dos miARNs e comprobouse que exercen unha regulación á baixa en certos tipos de cancro de mama.^[11] Porén, a natureza da asociación entre o procesamento dos miARNs e a tumoroxénese non está clara.^[12]

• Gunther M, Laithier M, Brison O (Jul 2000). "A set of proteins interacting with transcription factor Sp1 identified in a two-hybrid screening". Molecular and Cellular Biochemistry 210 (1-2): 131–142. PMID 10976766. doi:10.1023/A:1007177623283. 
• Fortin KR, Nicholson RH, Nicholson AW (Aug 2002). "Mouse ribonuclease III. cDNA structure, expression analysis, and chromosomal location". BMC Genomics 3 (1): 26. PMC 122089. PMID 12191433. doi:10.1186/1471-2164-3-26. 
• Lee Y, Ahn C, Han J, Choi H, Kim J, Yim J, Lee J, Provost P, Rådmark O, Kim S, Kim VN (Sep 2003). "The nuclear RNase III Drosha initiates microRNA processing". Nature 425 (6956): 415–419. PMID 14508493. doi:10.1038/nature01957. 
• Gregory RI, Yan KP, Amuthan G, Chendrimada T, Doratotaj B, Cooch N, Shiekhattar R (Nov 2004). "The Microprocessor complex mediates the genesis of microRNAs". Nature 432 (7014): 235–240. PMID 15531877. doi:10.1038/nature03120. 
• Zeng Y, Yi R, Cullen BR (Jan 2005). "Recognition and cleavage of primary microRNA precursors by the nuclear processing enzyme Drosha". The EMBO Journal 24 (1): 138–148. PMC 544904. PMID 15565168. doi:10.1038/sj.emboj.7600491. 
• Han J, Lee Y, Yeom KH, Kim YK, Jin H, Kim VN (Dec 2004). "The Drosha-DGCR8 complex in primary microRNA processing". Genes & Development 18 (24): 3016–3027. PMC 535913. PMID 15574589. doi:10.1101/gad.1262504. 
• Landthaler M, Yalcin A, Tuschl T (Dec 2004). "The human DiGeorge syndrome critical region gene 8 and Its D. melanogaster homolog are required for miRNA biogenesis". Current Biology : CB 14 (23): 2162–2167. PMID 15589161. doi:10.1016/j.cub.2004.11.001. 
• Zeng Y, Cullen BR (Jul 2005). "Efficient processing of primary microRNA hairpins by Drosha requires flanking nonstructured RNA sequences". The Journal of Biological Chemistry 280 (30): 27595–27603. PMID 15932881. doi:10.1074/jbc.M504714200. 
• Irvin-Wilson CV, Chaudhuri G (2006). "Alternative initiation and splicing in dicer gene expression in human breast cells". Breast Cancer Research : BCR 7 (4): R563–9. PMC 1175071. PMID 15987463. doi:10.1186/bcr1043. 
• Kimura K, Wakamatsu A, Suzuki Y, Ota T, Nishikawa T, Yamashita R, Yamamoto J, Sekine M, Tsuritani K, Wakaguri H, Ishii S, Sugiyama T, Saito K, Isono Y, Irie R, Kushida N, Yoneyama T, Otsuka R, Kanda K, Yokoi T, Kondo H, Wagatsuma M, Murakawa K, Ishida S, Ishibashi T, Takahashi-Fujii A, Tanase T, Nagai K, Kikuchi H, Nakai K, Isogai T, Sugano S (Jan 2006). "Diversification of transcriptional modulation: large-scale identification and characterization of putative alternative promoters of human genes". Genome Research 16 (1): 55–65. PMC 1356129. PMID 16344560. doi:10.1101/gr.4039406. 
• Olsen JV, Blagoev B, Gnad F, Macek B, Kumar C, Mortensen P, Mann M (Nov 2006). "Global, in vivo, and site-specific phosphorylation dynamics in signaling networks". Cell 127 (3): 635–648. PMID 17081983. doi:10.1016/j.cell.2006.09.026. 
• Sugito N, Ishiguro H, Kuwabara Y, Kimura M, Mitsui A, Kurehara H, Ando T, Mori R, Takashima N, Ogawa R, Fujii Y (Dec 2006). "RNASEN regulates cell proliferation and affects survival in esophageal cancer patients". Clinical Cancer Research : An Official Journal of the American Association for Cancer Research 12 (24): 7322–7328. PMID 17121874. doi:10.1158/1078-0432.CCR-06-0515. 
• Kim YK, Kim VN (Feb 2007). "Processing of intronic microRNAs". The EMBO Journal 26 (3): 775–783. PMC 1794378. PMID 17255951. doi:10.1038/sj.emboj.7601512. 
• Xing L, Kieff E (Sep 2007). "Epstein-Barr virus BHRF1 micro- and stable RNAs during latency III and after induction of replication". Journal of Virology 81 (18): 9967–9975. PMC 2045418. PMID 17626073. doi:10.1128/JVI.02244-06.