Descenso a nado da ría de Navia

Navia é unha vila costeira da Terra Eo-Navia, que se sitúa á beira dunha ría e existe na localidade unha afección significativa pola natación como deporte competitivo polo menos dende o comezo do século XX. En 1958 esa afección deu lugar a unha convocatoria regular, o descenso a nado da ría, que continuou todos os anos dende aquela ao tempo que xurdiron ao seu redor outras actividades salientables, o Criterium dos Ases, o MiniDescenso, a Copa Asturias de Longa Distancia, e, recentemente, a celebración de probas da Copa de Europa de Natación de Longa Distancia (Copa LEN), entre elas, a Superfinal de 2006. No ano 2020 non se celebrou a competición por mor da pandemia de COVID-19.

• Proba masculina absoluta: para maiores de 16 anos cun percorrido de 5000 metros.
• Proba feminina absoluta: para maiores de 16 anos cun percorrido de 5000 metros.
• Proba específica para a categoría de menores A (conxunta para mozos e mozas de entre 13 e 15 anos, con clasificacións separadas para uns e outras): 2400 metros.
• Proba específica para menores B (tamén conxunta para nenos e nenas menores de 12 anos con clasificacións separadas): 1100 metros.
• Masters: de 30 anos de idade en diante. Distancia a elixir
• Trofeos Venera (equipos que máis integrantes sumen nas distintas categorías)