Club dos 27
O club dos 27 é un termo que fai referencia á crenza de que un número estrañamente elevado de músicos populares e outros artistas morreron ós 27 anos[1], moitas veces como resultado do abuso das drogas e do alcol ou por medios violentos, como o homicidio ou o suicidio[2].
Club dos 27 | ||||||
---|---|---|---|---|---|---|
Brian Jones, Jimi Hendrix, Janis Joplin e Jim Morrison, morreron todos entre 1969 e 1971 á idade de 27 anos, o que naquela época suscitou algúns comentarios. Pero foi trala morte de Kurt Cobain en 1994 cando comezou a incorporarse na percepción pública a idea dun "club dos 27". |
Non obstante, os estudos estatísticos desvelan que as mortes non seguen un padrón inhabitual[3][4][5].
O club dos 27 foi repetidamente citado en revistas de música, revistas en xeral e xornais. Fixéronse varias exposicións dedicadas á idea, así como novelas, películas e obras de teatro[6][7][8][9][10]. Houbo moitas teorías e especulacións diferentes sobre as causas de tales mortes precoces e as súas posibles conexións. O biógrafo de Kurt Cobain e Jimi Hendrix, Charles R. Cross, escribe: "O número de músicos que morreron ós 27 anos é realmente notable para calquera padrón considerado. [Inda que] os humanos morran regularmente a tódalas idades, hai un pico estatístico para os músicos que morren ós 27"[11].
Orixe do termo
Brian Jones, Jimi Hendrix, Janis Joplin e Jim Morrison, morreron todos á idade de 27 anos entre 1969 e 1971. A coincidencia suscitou naquela época algúns comentarios[12][13], pero a idea dun "club dos 27" comezou a incorporarse na percepción pública dúas décadas e media máis tarde, trala morte de Kurt Cobain[11].
Segundo o biógrafo de Hendrix e Cobain, Charles R. Cross, a importancia crecente dos medios de comunicación –Internet, televisión e revistas– e a resposta da nai de Kurt Cobain nunha entrevista son, asemade, responsables de tales teorías. Refírese Cross a un belisco das declaracións feitas pola nai de Cobain, Wendy Fradenburg Cobain O'Connor, no xornal The Daily World de Aberdeen, Washington: –"Agora que se foi e se uniu a ese estúpido club. Díxenlle que non se unira a ese estúpido club", aludindo segundo Cross, a Hendrix, Joplin e Morrison, finados á mesma idade[14]. Outros autores comparten a súa opinión[15]. Emporiso, Josh Hunter e Eric Segalstad, autor de 27s: The Greatest Myth of Rock & Roll, entenden que a nai de Kurt Cobain se refire á morte de seu tío e seu tío-avó, falecidos ámbolos dous a consecuencia do suicidio[16]. Conforme Cross, os acontecementos levaron a un "conxunto de teorías da conspiración [que suxiren a] noción absurda de que Kurt Cobain preparou á mantenta a súa morte para formar parte do club dos 27"[11].
Cando Amy Winehouse morreu no ano 2011 á idade de 27, dezasete anos despois da morte de Kurt Cobain, houbo novamente grande atención por parte dos medios de comunicación relacionada con este asunto[17]. O que fora seu asistente persoal Alex Haines, afirmou trala morte de Winehouse que tres anos antes ela lle confesara o temor de falecer a esa idade[18].
Estudos científicos
Un estudo publicado no British Medical Journal en decembro de 2011 concluíu que non había un incremento no risco de morte para os músicos á idade de 27 anos. Aínda que os músicos incluídos na mostraxe afrontaban un risco de morte maior entre os 20 e os 30 anos, mais isto non o limitaba ós 27[3]. Unha pescuda non formal consultando automaticamente os datos da Wikipedia (vía DBpedia) no 2012 chegou efectivamente á mesma conclusión: "Ben pode haber un club dos 27 de músicos malditos, pero o club dos 74 é máis popular"[19]. Un artigo en The Independent do ano 2015 confirma tamén a evidencia estatística que os músicos populares non son máis propensos a morrer á idade de 27[20].
Referencias na música
A canción 28, de John Craigie do seu álbum Montana Tale, é sobre o club. Os tres versos refírense á morte de Jim Morrison, Janis Joplin e Kurt Cobain, respectivamente.
Fai referencia ó asunto a canción 27 Forever de Eric Burdon, do seu álbum de 2013 ′Til Your River Runs Dry[21].
O nome da canción 27 Club de letlive, do seu disco The Blackest Beautiful refírese ó club[22].
O oitavo álbum de estudio de Magenta, The Twenty Seven Club, fai alusión directa ó club. Cada canción é un tributo a algún membro do club[23][24].
O título da canción 27 de Fall Out Boy do seu álbum Folie à Deux refírese ó club. A canción explora os estilos de vida hedonista comúns no rock and roll. Pete Wentz, o letrista principal de Fall Out Boy, escribiu a canción porque sentía que estaba vivindo unha vida perigosa similar[25].
Membros identificados co club dos 27
Nome | Data da morte | Causa oficial da morte | Aptitudes | Idade | Referencias ó club dos 27 |
---|---|---|---|---|---|
Alexandre Levy | 17 de xaneiro de 1892 | Descoñecida | Compositor, pianista e director | 27 anos e 98 días | [26] |
Louis Chauvin | 26 de marzo de 1908 | Esclerosis neurosifilítica | Músico de ragtime | 27 anos e 13 días | [26][27] |
Robert Johnson | 16 de agosto de 1938 | Envelenamento (estricnina [non atribuído]) | Guitarrista e cantante de blues | 27 anos e 100 días | [26][27][28][29][30][31] |
Nat Jaffe | 5 de agosto de 1945 | Complicacións derivadas da hipertensión arterial | Pianista de swing jazz | 27 anos e 216 días | [26] |
Jesse Belvin | 6 de febreiro de 1960 | Accidente de automóbil | Cantante, pianista e compositor de R&B | 27 anos e 53 días | [26][27][29] |
Rudy Lewis | 20 de maio de 1964 | Sobredose | Vocalista de The Drifters | 27 anos e 271 días | [30] |
Joe Henderson | 24 de outubro de 1964 | Ataque ó corazón | Cantante de gospel e R&B | 27 anos e 183 días | [32] |
Malcolm Hale | 31 de outubro de 1968 | Envelenamento (monóxido de carbono) | Membro orixinal e guitarrista da banda Spanky and Our Gang | 27 anos e 166 días | [26][29] |
Dickie Pride | 26 de marzo de 1969 | Sobredose (somníferos) | Cantante de rock and roll | 27 anos e 156 días | [33] |
Brian Jones | 3 de xullo de 1969 | Afogamento[34] (o informe forense afirma que "a morte foi a causa dun infortunio")[35] | Fundador dos Rolling Stones, guitarrista e multi-instrumentalista | 27 anos e 125 días | [26][27][29][30][31][36] |
Alexandra | 31 de xullo de 1969 | Accidente de automóbil | Vocalista de schlager alemán | 27 anos e 73 días | [37] |
Alan "Blind Owl" Wilson | 3 de setembro de 1970 | Sobredose (barbitúricos), posible suicidio | Líder, cantante e principal compositor de Canned Heat | 27 anos e 61 días | [26][27][29][30][31] |
Jimi Hendrix | 18 de setembro de 1970 | Asfixia no seu propio vómito (tralo consumo de barbitúricos)[38] | Pioneiro da guitarra eléctrica, cantante e compositor de The Jimi Hendrix Experience e Band of Gypsys | 27 anos e 295 días | [26][27][29][30][31][36] |
Janis Joplin | 4 de outubro de 1970 | Sobredose (probablemente heroína)[39] | Vocalista e compositora de Big Brother and the Holding Company, Kozmic Blues Band e Full Tilt Boogie Band | 27 anos e 258 días | [26][27][29][30][31][40] |
Arlester "Dyke" Christian | 13 de marzo de 1971 | Asasinado | Líder, vocalista e baixista de Dyke and the Blazers | 27 anos e 273 días | [26] |
Jim Morrison | 3 de xullo de 1971 | Insuficiencia cardíaca[41] | Cantante, letrista e líder de The Doors | 27 anos e 207 días | [26][27][29][30][31][36] |
Linda Jones | 14 de marzo de 1972 | Complicacións derivadas da diabetes | Cantante de soul | 27 anos e 91 días | [42] |
Leslie Harvey | 3 de maio de 1972 | Electrocución | Guitarrista de Stone the Crows | 27 anos e 233 días | [27][29][31] |
Ron "Pigpen" McKernan | 8 de marzo de 1973 | Hemorraxia gastrointestinal | Membro fundador, teclista e cantante de Grateful Dead | 27 anos e 181 días | [26][27][29][30][31] |
Roger Lee Durham | 27 de xullo de 1973 | Feridas producidas ó caer dun cabalo | Cantante e percusionista de Bloodstone | 27 anos e 163 días | [26][29] |
Wallace "Wally" Yohn | 12 de agosto de 1974 | Accidente de aviación | Organista de Chase | 27 anos e 212 días | [26] |
Dave Alexander | 10 de febreiro de 1975 | Edema pulmonar | Baixista de The Stooges | 27 anos e 252 días | [26][27][29][30][31] |
Pete Ham | 24 de abril de 1975 | Suicidio por aforcamento | Teclista e guitarrista, líder de Badfinge | 27 anos e 362 días | [26][27][29][30][31] |
Gary Thain | 8 de decembro de 1975 | Sobredose (heroína) | Baixista de Uriah Heep e da Keef Hartley Band | 27 anos e 207 días | [26][27][29][30] |
Cecilia | 2 de agosto de 1976 | Accidente de automóbil | Cantante | 27 anos e 296 días | [43][44] |
Helmut Köllen | 3 de maio de 1977 | Envelenamento (monóxido de carbono) | Baixista da banda de prog rock Triumvirat | 27 anos e 62 días | [26][29] |
Chris Bell | 27 de decembro de 1978 | Accidente de automóbil | Cantante, compositor e guitarrista da banda de power pop Big Star, tamén como solista | 27 anos e 349 días | [26][27][29] |
Zenon De Fleur | 17 de marzo de 1979 | Accidente de automóbil e complicacións médicas subsecuentes | Guitarrista de The Count Bishops | 27 anos e 189 días | [45][46] |
Jacob Miller | 23 de marzo de 1980 | Accidente de automóbil | Cantante de reggae de Inner Circle | 27 anos e 324 días | [27][30] |
D. Boon | 22 de decembro de 1985 | Accidente de automóbil | Guitarrista e cantante da banda de punk Minutemen | 27 anos e 266 días | [26][27][29][31] |
Alexander Bashlachev | 17 de febreiro de 1988 | Caída dende as alturas, probable suicidio | Poeta, músico de rock e compositor | 27 anos e 266 días | [43] |
Jean-Michel Basquiat | 12 de agosto de 1988 | Sobredose (speedball) | Pintor e artista do graffiti, formou a banda Gray | 27 anos e 234 días | [29][30][31] |
Pete de Freitas | 14 de xuño de 1989 | Accidente de motocicleta | Batería de Echo & the Bunnymen | 27 anos e 346 días | [26][27][29][30] |
Chris Austin | 16 de marzo de 1991 | Accidente de aviación | Cantante de country e guitarrista/violinista de Reba McEntire | 27 anos e 20 días | [47] |
Joey Cigainero | 16 de marzo de 1991 | Accidente de aviación | Teclista de Reba McEntire | 27 anos e 169 días | [47] |
Dimitar Voev | 5 de setembro de 1992 | Cáncer | Fundador do grupo búlgaro Nova Generacia | 27 anos e 107 días | [48] |
Mia Zapata | 7 de xullo de 1993 | Asasinada | Cantante de The Gits | 27 anos e 316 días | [26][27] |
Kurt Cobain | c. 5 de abril de 1994 | Suicidio dun disparo[49] | Fundador, cantante, guitarrista e compositor de Nirvana | c. 27 anos e 44 días | [26][27][29][30][31][40] |
Kristen Pfaff | 16 de xuño de 1994 | Sobredose (heroína) | Baixista de Hole e Janitor Joe | 27 anos e 21 días | [26][27][29][30][31] |
Richey Edwards | 1 de febreiro de 1995 | Desaparecido, oficialmente dado por morto o 3 de novembro de 2008 | Letrista e guitarrista de Manic Street Preachers | 27 anos e 41 días | [26][29][31] |
Stretch | 30 de novembro de 1995 | Asasinado | Cantante de rap | 27 anos e 236 días | [42][50] |
Fat Pat | 3 de febreiro de 1998 | Asasinado | Cantante de rap e membro de Screwed Up Click | 27 anos e 61 días | [26][27] |
Freaky Tah | 28 de marzo de 1999 | Asasinado | Cantante de rap e membro do grupo de hip hop Lost Boyz | 27 anos e 318 días | [26] |
Kami | 21 de xuño de 1999 | Hemorraxia subaracnoide | Batería de Malice Mizer | 27 anos e 140 días | [5] |
Rodrigo "El potro" | 24 de xuño de 2000 | Accidente de automóbil | Cantante de cuarteto | 27 anos e 31 días | [43] |
Sean Patrick McCabe | 28 de agosto de 2000 | Asfixia | Cantante de Ink & Dagger | 27 anos e 289 días | [26][27][29] |
Maria Serrano Serrano | 24 de novembro de 2001 | Accidente de aviación (voo 3597 de Crossair) | Segunda voz de Passion Fruit | 27 anos e 363 días | [26] |
Jeremy Michael Ward | 25 de maio de 2003 | Sobredose (heroína) | Control de son de The Mars Volta e De Facto | 27 anos e 20 días | [26][27][29] |
Jonathan Brandis | 12 de novembro de 2003 | Suicidio por aforcamento | Actor de cine e televisión | 27 anos e 213 días | [51] |
Bryan Ottoson | 19 de abril de 2005 | Sobredose (medicación prescrita) | Guitarrista de American Head Charge | 27 anos e 32 días | [26][27][29] |
Davor "Moskri" Bobić | 25 de agosto de 2005 | Sobredose | Membro fundador e cantante de Prti Bee Gee | 27 anos e 274 días | [52] |
Valentín Elizalde | 26 de novembro de 2006 | Asasinado | Cantante de banda mexicana | 27 anos e 297 días | [26] |
Amy Winehouse | 23 de xullo de 2011 | Intoxicación etílica[53] | Cantante e compositora | 27 anos e 312 días | [27][29][30][31][36] |
Richard Turner | 11 de agosto de 2011 | Paro cardíaco | Trompetista, colaborador en Friendly Fires | 27 anos e 12 días | [27][54] |
Nicole Bogner | 6 de xaneiro de 2012 | Enfermidade non desvelada | Cantante de Visions of Atlantis | 27 anos e 290 días | [55] |
Soroush "Looloosh" Farazmand | 11 de novembro de 2013 | Asasinado | Guitarrista de The Yellow Dogs | 27 anos e 11 días | [56][57] |
Slađa Guduraš | 10 de decembro de 2014 | Accidente de automóbil | Cantante de pop e actríz | 27 anos e 213 días | [58] |
Tomas Lowe | 13 de febreiro de 2016 | Accidente de automóbil | Baixista de Viola Beach | 27 anos e 70 días | [59] |
Thomas Fekete | 31 de maio de 2016 | Cáncer | Guitarrista de Surfer Blood | 27 anos e 335 días | [60] |
Anton Yelchin | 19 de xuño de 2016 | Asfixia por contusión traumática accidental[61] | Intérprete de Pavel Chekov no reboot cinematográfico Star Trek Beyond, guitarrista de The Hammerheads | 27 anos e 100 días | [62] |