Club
Denomínase club[1][2] a un grupo de persoas libremente asociadas, ou sociedade, que reúne a un número variábel de individuos que adoitan coincidir nos seus gustos e opinións artísticas, literarias, políticas, deportivos, ou simplemente nos seus desexos de relación social.
![](http://upload.wikimedia.org/wikipedia/commons/thumb/d/db/New_York_Y_C_2008.jpg/220px-New_York_Y_C_2008.jpg)
Os fins e actividades dos clubs son moi diversos e dependen do motivo polo que as persoas se asociasen: realización de actividades deportivas, intercambios de ideas, debates culturais, organización de actividades a favor de terceiros, actividades formativas e informativas en beneficio propio etc.
Historia
Nas civilizacións antigas de Roma ou Grecia existían asociacións que poden ser consideradas antecedentes dos clubs de hoxe en día, porén, o concepto actual de club naceu en Inglaterra. Os clubs máis antigos datan aproximadamente do século XVII e non pasaban de reunións informais e periódicas de amigos co obxecto de xantar e beber xuntos. Coa expansión colonial inglesa os clubs expandíronse dentro de toda a area anglófona e xa posteriormente tamén se comezaron a formar clubs noutras realidades culturais.