Capra (xénero)
| Capra Rango fósil: plistoceno (hai 2,6 Ma) - actialidade | |||||||||||||||||
|---|---|---|---|---|---|---|---|---|---|---|---|---|---|---|---|---|---|
 Capra pyrenaica | |||||||||||||||||
| Clasificación científica | |||||||||||||||||
| |||||||||||||||||
Capra é un xénero de mamíferos artiodáctilos ruminantes da familia dos bóvidos e subfamiia dos caprinos coñecidos comunmente como cabras, cabras montesas ou cabras salvaxes.
O xénero comprende, segundo os autores, até 9 especies, entre elas a cabra montesa (Capra pyrenaica), o markhor (Capra falconeri) e o íbice ou cabra montesa dos Alpes (Capra ibex).
Porén, existen animais doutros xéneros (que non son Capra), pero da subfamilia dos caprinos, que ás veces se denominan "cabras", como as do xénero Oreammos, ao que pertence a chamada cabra das Montañas Rocohsas (Oreamnos americanus).
A verdadeiras cabras salvaxes son orixinarias do centro-oeste de Asia, onde aínda viven a maioría das especies actuais, e desde onde colonizaron partes de Europa e o norte de África.
A cabra doméstica (Capra aegagrus hircus) é unha subespecie domesticada da cabra salvaxe, Capra aegagrus, A súa domesticación data de hai uns 9.000 anos, durante o neolítico, cando apareceron as primeiras en Mesopotamia, e cuxa distribución actual, tanto na forma doméstica como asilvestrada, é practicamente cosmopolita.
As cabras domésticas son hoxe en día un dos principais animais domésticos en Oriente Medio, no norte e o leste de África e na Europa mediterránea. Non hai que esquecer que en Galicia non pode faltar o cabrito asado (a cría da cabra) en ningunha festa que mereza ese nome.
Características xerais
As cabras son animais gregarios que viven en pequenas mandas pero, ao contrario que os seus próximos parentes, as ovellas (xénero Ovis), son animais adaptados a comeren arbustos e matos de poliñas e follas coriáceas, propias de medios secos e/ou montañosos.
Adoitan seren animais moi áxiles, capaces de gabearen con facilidade por pendentes sumamente empinadas, e de saltar dun penedo a outro bastante afastado.
Son caprinos, como as especies do xénero Ovis (que inclúe as ovellas), pero distínguense destas pola presenza de glándulas odoríferas cerca dos pés, nas ínguas e na fronte, pola ausencia doutras glándulas faciais, e pola presenza dunha barba nos machos (as chamadas barbas de chivo) e de calos sen pelo nos xeonllos das patas dianteiras.[1]
As especies salvaxes presentan un marcado dimorfismo sexual, manifestándose grandes diferenzas de tamaño, cor e cornamenta entre machos e femias; porén, as diferentes razas domésticas tenden a suavizar estas diferenzas.
Clasificación: especies e subespecies
- Xénero Capra
- Capra aegagrus - cabra salvaxe.
- Capra aegagrus aegagrus - cabra de Bezoar
- Capra aegagrus blythi - cabra do deserto de Sindh
- Capra aegagrus chialtanensis - cabra de Chialtan
- Capra aegagrus creticus - cabra salvaxe de Creta
- Capra aegagrus hircus - cabra doméstica (forma tradicional C. hircus)
- Capra aegagrus turcmenica - cabra barbuda do Turquestán
- Capra caucasica - c abra do Cáucaso occidental
- Capra cylindricornis - cabra do Cáucaso oriental
- Capra falconeri - markhor
- Capra falconeri heptnerni - markhor de Bukahará
- Capra falconeri chialtanensis - markhor de Chialtan
- Capra falconeri megaceros - markhor de cornos rectos
- Capra falconeri jerdoni - markhor de Solimán
- Capra ibex - cabra montesa dos Alpes, ou íbice
- Capra nubiana - cabra nubia
- Capra pyrenaica - cabra montésa
- Capra pyrenaica hispanica - cabra montesa levantina
- Capra pyrenaica lusitanica - cabra montesa lisitana († 1892)
- Capra pyrenaica pyrenaica - cabra montesa dos Pireneos († 2000)
- Capra pyrenaica victoriae - cabra montesa de Gredos
- Capra sibirica - íbice siberiano
- Capra sibirica alaiana - íbice do Quirguisia
- Capra sibirica hagenbecki - íbice mongol
- Capra sibirica hemalayanus - íbice do Himalaia
- Capra sibirica sakeen - íbice de Caxemira
- Capra sibirica sibirica - íbice do Altai
- Capra walie - cabra montés de Etiopía
Galería de imaxes
Cabra salvaxe
(Capra aegagrus)
Cabra doméstica
(Capra aegagrus hircus)
Macho de cabra nubia
(Capra nubiana)
Markhor
(Capra falconeri)
Notas
Véxase tamén
Bibliografía
- Díaz d'a Silva, J. I. & Cartelle, Y. (2007): Guía dos mamíferos de Galicia. A Coruña: Baía Edicións. ISBN 84-96893-20-7.
- Kowalski, Kazimierz (1981): Mamíferos. Manual de teriología. Madrid: H. Blume Ediciones. ISBN 84-7214-229-9.
- Schilling, D.; D. Singer & H. Diller (1987): Guía de los mamíferos de Europa. Barcelona: Ediciones Omega, S. A. ISBN 84-282-0784-4.
- Van den Brink, F. H. & Barrel, P. (1971): Guía de campo de los mamíferos salvajes de Europa occidental. Barcelona: Ediciones Omega, S. A.
- Wilson, D. E. & D. M. Reeder, editors (2005): Mammal species of the world: a taxonomic and geographic reference. Third edition. The Johns Hopkins University Press. Baltimore, Maryland, USA. ISBN 0-8018-8221-4.