Cadel Evans Great Ocean Road Race 2018
A Cadel Evans Great Ocean Road Race 2018 foi unha carreira ciclista dun día disputada o 28 de xaneiro de 2018 en Australia. Esta foi a cuarta edición da Cadel Evans Great Ocean Road Race e a segunda proba do UCI World Tour 2018.[1][2]
O corredor australiano Jay McCarthy (Bora–Hansgrohe) liderou un selecto grupo de 24 corredores do que obtivo a vitoria,[3] por diante do italiano Elia Viviani (Quick-Step Floors Team), mentres que o recente gañador surafricano do Tour Down Under 2018 Daryl Impey (Mitchelton–Scott), que tamén continuaba líder do ránking do World Tour.
Percorrido
O trazado da proba consistiu nunha primeira parte duns 100 km en ruta seguidos de 4 voltas a un circuíto arredor da cidade de Geelong, lugar onde tamén estaba a saída. Ese circuíto urbano contaba cun repeito de 1,5 km ao 7%. En total, a carreira tivo unha distancia de 164 km. Parte do percorrido tamén foi común ao empregado nos Campionatos do Mundo de Ciclismo en Ruta de 2010 que tiveran lugar en Melbourne.
Equipos
Como a carreira foi engadida ao calendario do UCI World Tour no 2017, tódolos UCI WorldTeams foron invitados á proba, pero non obrigados a correr nela. Como resultado destas decisións, 12 dos 18 WorldTeams competiron na Great Ocean Road Race[4], 4 menos ca na edición anterior. Tres equipos Profesionais Continentais competiron – tamén un menos que no 2017. Ademais, unha selección nacional australiana completou o pelotón de 16 formacións.
UCI WorldTeams
Equipo | País | Código |
---|---|---|
AG2R La Mondiale | Francia | ALM |
BMC Racing Team | Estados Unidos | BMC |
Bora-Hansgrohe | Alemaña | BOH |
Team Dimension Data | Suráfrica | DDD |
Team Katusha-Alpecin | Suíza | KAT |
LottoNL-Jumbo | Países Baixos | TLJ |
Lotto-Soudal | Bélxica | LTS |
Mitchelton-Scott | Australia | ORS |
Quick-Step Floors | Bélxica | QST |
Team Sky | Reino Unido | SKY |
Team Sunweb | Alemaña | SUN |
Trek-Segafredo | Estados Unidos | TFS |
Equipos invitados
Equipo | País | Código |
---|---|---|
Aqua Blue Sport | Irlanda | ABS |
Israel Cycling Academy | Israel | ICA |
Roompot–Nederlandse Loterij | Países Baixos | ROO |
Selección nacional | Australia |
Clasificación[5]
Carreira feminina
Un día antes da carreira masculina, o 27 de xaneiro, disputouse a carreira feminina. Cos mesmos lugares de saída e chegada que os homes, as féminas facían un percorrido de case 110 km ata alcanzar o porto de Geelong.
Clasificación[6]
As 5 primeiras corredoras en meta foron as seguintes: