Cabo Norte, Noruega
25°47′40″L / 71.17250, -25.79444
O cabo Norte (en noruegués Nordkapplatået) é un promontorio localizado na illa de Magerøya, no norte de Noruega, na comunidade de Nordkapp, no condado (fylke) de Finnmark.[1]
Caracterítsticas xeográficas
O seu acantilado, de 307 m de altura, está considerado con frecuencia como o punto máis setentrional de Europa.
Porén, o veciño cabo Knivskjellodden áchase uns 1 500 m máis ao norte.[2]
Ademais, ambos os puntos encóntranse na illa de Magerøya, o que significa que o punto máis setentrional da Europa continental é, en realidade, o cabo Nordkinn, na Nordkinnhalvøya (península de Nordkinn).[2][3]
Segundo a Organización Hidrográfica Internacional, o cabo Norte é o límite entre o mar de Noruega, ao oeste, e o mar Branco, ao leste, sendo por tanto tamén un dos límites usados para separar o océano Atlántico do océano Ártico.
Historia
A denominación cabo Norte foi cuñada polo explorador británico Richard Chancellor en 1553, cando superou o cabo na busca do Paso do Nordeste. Desde entón, recibiu frecuentes visitas de exploradores que subiron á meseta da illa de Magerøya escalando o acantilado. Algúns visitantes famosos foron o rei Óscar II de Suecia en 1873 e o rei Chulalongkorn de Tailandia en 1907.
En 1943, durante a segunda guerra mundial, a batalla de Cabo Norte desenvolveuse fronte a este cabo no océano Ártico.[4]
Turismo
Hoxe en día o cabo Norte é unha importante atracción turística que inclúe un amplo centro turístico que alberga un gran número de exposicións sobre a historia do lugar.
Galería
Sol de medianoite no cabo Norte.
Vista desde o cabo Norte (inverno 2006-07).
Sol de medianoite e nubes no cabo Norte.
O cabo Knivskjellodden visto desde o cabo Norte.
