CD23

O CD23 (cluster de diferenciación 23), tamén chamado Fc épsilon RII, ou FcεRII, é o receptor de "baixa afinidade" (tipo II) das IgE (anticorpos implicados na alerxia e a resistencia aos parasitos), e é importante na regulación dos niveis de IgE. A diferenza da maioría dos outros receptores de anticorpos, o CD23 é unha lectina de tipo C. O CD23 encóntrase na superficie de células B maduras, macrófagos activados, eosinófilos, células dendríticas foliculares, e plaquetas.

Hai dúas formas de CD23: CD23a e CD23b. O CD23a está presente nas células B foliculares, mentres que, pola súa parte, o CD23b require IL-4 para expresarse en células T, monocitos, células de Langerhans, eosinófilos, e macrófagos.^[1]

Función

O CD23 ten un papel de transporte na regulación de retroalimentación de anticorpos. Os antíxenos que entran na circulación sanguínea son capturados por anticorpos IgE específicos para o antíxeno. Os inmunocomplexos formados coa IgE únense a moléculas de CD23 na superficie dos linfocitos B, que os transportan aos folículos de células B do bazo. O antíxeno é despois transferido desde as células B CD23+ ás células presentadoras de antíxenos CD11c+. As células CD11c+ á súa vez presentan o antíxeno a células T CD4+, o que pode orixinar unha potenciación da resposta de anticorpos.^[2]

Importancia clínica

O alérxeno responsable da alerxia ao ácaro do po Der-p-1 pode clivar (cortar) o CD23 da superficie das células. Cando o CD23 está en estado soluble pode moverse libremente e interaccionar coas células no plasma. Recentes estudos mostraron que o incremento dos niveis de CD23 soluble causan o recrutamento de células B non sensibilizadas para a presentación de péptidos antixénicos a células B específicas para o alérxeno, incrementando deste xeito a produción de IgE específicas para o alérxeno. As IgE, á súa vez, regulan á alza a expresión de CD23 e de Fc épsilon RI (o receptor de IgE de alta afinidade).

En citometría de fluxo, o CD23 é útil na diferenciación de leucemia linfocítica crónica, que é CD23 positiva, da leucemia de células do manto, que é CD23 negativa (o manto é a zona dos ganglios linfáticos que rodea os centros xerminais).^[3] Pode tamén demostrarse a presenza de CD23 en células B dos centros xerminais foliculares utilizando inmunohistoquímica, pero non está presente nas células en repouso da zona do manto que as rodea. Os linfomas orixinados na zona do manto son xeralmente negativos para o CD23, pero a maioría das leucemias linfomocíticas crónicas de células B e os linfomas de células B de baixo grao son positivas, o que permite distinguir por inmunohistoquímica estas dúas doenzas, que, por outra parte, teñen unha aparencia similar. As células de Reed-Sternberg son xeralmente positivas para o CD23.^[4]

Notas

Véxase tamén

Outros artigos

cluster de diferenciación (CD)

Bibliografía

Kijimoto-Ochiai S (2002). "CD23 (the low-affinity IgE receptor) as a C-type lectin: a multidomain and multifunctional molecule". Cell. Mol. Life Sci. 59 (4): 648–64. PMID 12022472. doi:10.1007/s00018-002-8455-1.
Schwarzmeier JD; Hubmann R; Düchler M; et al. (2005). "Regulation of CD23 expression by Notch2 in B-cell chronic lymphocytic leukemia". Leuk. Lymphoma 46 (2): 157–65. PMID 15621797. doi:10.1080/10428190400010742.
Maekawa N; Kawabe T; Sugie K; et al. (1992). "Induction of Fc epsilon RII/CD23 on PHA-activated human peripheral blood T lymphocytes and the association of Fyn tyrosine kinase with Fc epsilon RII/CD23". Res. Immunol. 143 (4): 422–5. PMID 1387715. doi:10.1016/S0923-2494(05)80075-6.
Rose K; Turcatti G; Graber P; et al. (1992). "Partial characterization of natural and recombinant human soluble CD23". Biochem. J. 286 ( Pt 3) (Pt 3): 819–24. PMC 1132977. PMID 1417742.
Maekawa N; Kawabe T; Sugie K; et al. (1992). "Induction of Fc epsilon RII/CD23 on PHA-activated human peripheral blood T lymphocytes and association of fyn tyrosine kinase with Fc epsilon RII/CD23". International journal of tissue reactions 14 (3): 121–30. PMID 1446976.
Sugie K; Kawakami T; Maeda Y; et al. (1991). "Fyn tyrosine kinase associated with Fc epsilon RII/CD23: possible multiple roles in lymphocyte activation". Proc. Natl. Acad. Sci. U.S.A. 88 (20): 9132–5. PMC 52666. PMID 1717997. doi:10.1073/pnas.88.20.9132.
Bettler B; Hofstetter H; Rao M; et al. (1989). "Molecular structure and expression of the murine lymphocyte low-affinity receptor for IgE (Fc epsilon RII)". Proc. Natl. Acad. Sci. U.S.A. 86 (19): 7566–70. PMC 298106. PMID 2529542. doi:10.1073/pnas.86.19.7566.
Kikutani H; Inui S; Sato R; et al. (1987). "Molecular structure of human lymphocyte receptor for immunoglobulin E". Cell 47 (5): 657–65. PMID 2877743. doi:10.1016/0092-8674(86)90508-8.
Ikuta K; Takami M; Kim CW; et al. (1987). "Human lymphocyte Fc receptor for IgE: sequence homology of its cloned cDNA with animal lectins". Proc. Natl. Acad. Sci. U.S.A. 84 (3): 819–23. PMC 304307. PMID 2949326. doi:10.1073/pnas.84.3.819.
Yokota A; Kikutani H; Tanaka T; et al. (1988). "Two species of human Fc epsilon receptor II (Fc epsilon RII/CD23): tissue-specific and IL-4-specific regulation of gene expression". Cell 55 (4): 611–8. PMID 2972386. doi:10.1016/0092-8674(88)90219-X.
Lüdin C; Hofstetter H; Sarfati M; et al. (1987). "Cloning and expression of the cDNA coding for a human lymphocyte IgE receptor". EMBO J. 6 (1): 109–14. PMC 553364. PMID 3034567.
Aubry JP; Pochon S; Gauchat JF; et al. (1994). "CD23 interacts with a new functional extracytoplasmic domain involving N-linked oligosaccharides on CD21". J. Immunol. 152 (12): 5806–13. PMID 7515913.
Lecoanet-Henchoz S; Gauchat JF; Aubry JP; et al. (1995). "CD23 regulates monocyte activation through a novel interaction with the adhesion molecules CD11b-CD18 and CD11c-CD18". Immunity 3 (1): 119–25. PMID 7621072. doi:10.1016/1074-7613(95)90164-7.
Maruyama K, Sugano S (1994). "Oligo-capping: a simple method to replace the cap structure of eukaryotic mRNAs with oligoribonucleotides". Gene 138 (1–2): 171–4. PMID 8125298. doi:10.1016/0378-1119(94)90802-8.
Padlan EA, Helm BA (1994). "Modeling of the lectin-homology domains of the human and murine low-affinity Fc epsilon receptor (Fc epsilon RII/CD23)". Receptor 3 (4): 325–41. PMID 8142907.
Trask B; Fertitta A; Christensen M; et al. (1993). "Fluorescence in situ hybridization mapping of human chromosome 19: cytogenetic band location of 540 cosmids and 70 genes or DNA markers". Genomics 15 (1): 133–45. PMID 8432525. doi:10.1006/geno.1993.1021.
Chirmule N; Kalyanaraman VS; Lederman S; et al. (1993). "HIV-gp 160-induced T cell-dependent B cell differentiation. Role of T cell-B cell activation molecule and IL-6". J. Immunol. 150 (6): 2478–86. PMID 8450224.
Förster HH; Wäsch R; Kretschmar T; et al. (1996). "Genetic markers on chromosome 19p and prenatal diagnosis of HLA class II-deficient combined immunodeficiency". Pediatr. Res. 38 (5): 812–6. PMID 8552454. doi:10.1203/00006450-199511000-00029.
Bajorath J, Aruffo A (1996). "Structure-based modeling of the ligand binding domain of the human cell surface receptor CD23 and comparison of two independently derived molecular models". Protein Sci. 5 (2): 240–7. PMC 2143337. PMID 8745401. doi:10.1002/pro.5560050207.
Frémeaux-Bacchi V; Bernard I; Maillet F; et al. (1996). "Human lymphocytes shed a soluble form of CD21 (the C3dg/Epstein-Barr virus receptor, CR2) that binds iC3b and CD23". Eur. J. Immunol. 26 (7): 1497–503. PMID 8766552. doi:10.1002/eji.1830260714.

[1]

[2]

[3]

[4]

Search