Célula xustaglomerular
As células xustaglomerulares, tamén chamadas células granulares do ril, son un tipo de células especializadas que se atopan nos riles. Teñen a función de sintetizar, almacenar e secretar renina. A renina é un encima que forma parte do sistema renina-anxiotensina-aldosterona e exerce importantes funcións na regulación da presión arterial, o volume extracelular e a concentración de sodio e potasio no sangue. As células xustaglomerulares, xunto coa mácula densa forman a estrutura denominada aparato xustaglomerular.[1]
A – Glomérulo
B – Túbulo contornado proximal
C – Túbulo contornado distal
D – Aparato xustaglomerular
1. Membrana basal glomerular
2. Capa parietal da cápsula de Bowman
3. Capa visceral da cápsula de Bowman
3a. Pedicelos (procesos pediculados dos podocitos)
3b. Podocito
4. Espazo de Bowman
5a. Mesanxio – célula intraglomerular
5b. Mesanxio – célula extraglomerular
6. Células xustaglomerulares
7. Mácula densa
8. Miocitos (músculo liso)
9. Arteriola aferente
10. Capilares glomerulares
11. Arteriola eferente
Función
As células xustaglomerulares segregan renina en resposta a tres tipos de estímulos:[2]
- Descenso da presión arterial da arteriola aferente.
- Estimulación do sistema simpático mediada por receptores adrenérxicos beta-1.
- Variacións na cantidade de NaCl que chega ao túbulo contorneado distal, detectadas polas células da mácula densa.
Tumor de células xustaglomerulares
O tumor de células xustaglomerulares, tamén chamado reninoma, é un raro tipo de tumor renal que se caracteriza pola produción de elevadas cantidades de renina, polo que provoca hipertensión arterial. [3]