Built to Spill

Built to Spill é unha banda estadounidense de indie rock procedente de Boise, Idaho. O grupo leva publicados nove álbums de estudio ata a data, o máis recente deles, When the Wind Forgets Your Name, editado en setembro de 2022.

Built to Spill
Orixe	Boise, Idaho,
Período	1992 - presente
Xénero(s)	indie rock
Selo(s) discográfico(s)	Warner Bros., Up, ATP Recordings
Membros	Doug Martsch Brett Netson Jim Roth Steve Gere Jason Albertini
Antigos membros	Ralf Youtz Andy Capps Scott Plouf Brett Nelson
Na rede
http://www.builttospill.com/

O seu fundador Doug Martsch orixinalmente concibiu a banda como un conxunto cambiante de músicos de apoio para cada álbum, pero finalmente estableceu unha formación estable durante unha década antes de volver ao seu plan orixinal en 2012.^[1]

Despois de ter recibido constantes aclamacións da crítica ao longo da súa carreira, tres dos álbums da banda (There's Nothing Wrong with Love, Perfect from Now On e Keep It Like a Secret) entraron na lista dos mellores álbums dos 90 de Pitchfork.^[2] Keep It Like a Secret foi o primeiro disco do grupo en entrar na lista Billboard 200 nos Estados Unidos, mentres que o seu lanzamenro de 2009 There Is No Enemy converteuse no álbum Built to Spill que acadou o mellor posto nas listas.