Brose Bamberg

O club foi fundado en 1955 co nome de 1 FC 01 Bamberg.^[1] Quince anos despois, en 1970, o club xogou por primeira vez na Basketball Bundesliga, a máxima competición do baloncesto alemán. Despois de dous descensos e ascensos (baixou en 1979 e 1983, e subiu en 1982 e 1984), debido aos problemas económicos do FC Bamberg 1988, club do cal era parte, elimina a sección de baloncesto. A raíz diso creasde unha nova asocación (a partir do nome do patrocinador): TTL Basketball Bamberg (TTL por Tapeten-Teppichboden-Land). En 1995 o club pasa a chamarse TTL uniVersa Bamber (uniVersa por uniVersa Versicherungen, unha compañía de seguros). En 1992 o Bamberg gaña o seu primeiro trofeo, a Copa de Alemaña.

Despois de novos problemas financeiros, no ano 2000 un novo patrocinador salvo ao equipo é permítelle continuar na máxima categoría do baloncesto alemán, pasando o equipo a chamarse TSK uniVersa Bamberg. Con todo, diferenzas entre o novo patrocinador e o club puxeron en risco a continuidade do mesmo en 2003. Dous anos despois, en 2005, o equipo gaña a súa primeira Bundesliga, o que lle valeu a súa participación ao ano seguinte na Euroleague Basketball, onde foi o primeiro equipo do país en chegar ao Formato|Top 16. Desde aquela o club converteuse nun dos equipos máis competitivos de Alemaña, gañando múltiples títulos tanto de Liga como de Copa.^[1]

• 1.FC 01 Bamberg (1955−1988)
• TTL Bamberg (1988−1995)
• TTL uniVersa Bamberg (1995−2000)
• TTL uniVersa Bamberg (1995−2000)
• TSK uniVersa Bamberg (2000−2003)
• GHP Bamberg (2003−2006)
• Brose Baskets (2006−2016)
• Brose Bamberg (2016−presente)

O Brose Baskets xoga os seus encontros como local no Brose Arena. O pavillón está situado na propia cidade de Bamberg. Foi comezado a construír en 2000 e inaugurado un ano despois, en 2001. Con capacidade para 6.900 en partidos de baloncesto, alberga os encontros do equipo tanto na Basketball Bundesliga como eventualmente na Euroliga. O recinto orixinariamente tiña capacidade para 4.750 persoas mais foi remodelado e reinaugurado en outubro de 2006. Para outros eventos, como concertos, o pavillón pode albergar entre 9.000 e 10.000 espectadores.

• Liga de Alemaña
  • Campións (9): 2005, 2007, 2010, 2011, 2012, 2013, 2015, 2016, 2017
  • Subcampións (3): 1993, 2003, 2004
• Copa de Alemaña
  • Campións (6): 1992, 2010, 2011, 2012, 2017, 2019
  • Subcampións (2): 2006, 2015
• Supercopa de Alemaña
  • Campións (5): 2007, 2010, 2011, 2012, 2015
  • Subcampións (1): 2013

• Sitio web oficial (en alemán)