Bernd Kluge
Bernd Kluge, nado o 18 de xuño de 1949 en Cottbus, Brandeburgo, é un numismático alemán especializado na moeda medieval.[1]
 Bernd Kluge en 2017 | |
| Biografía | |
|---|---|
| Nacemento | 18 de xuño de 1949 Cottbus, Alemaña  |
| Datos persoais | |
| País de nacionalidade | Alemá |
| Educación |  Universidade Humboldt de Berlín. |
| Coñecido por | Estudos de numismática medieval. |
| Actividade | |
| Campo de traballo | Numismática. |
| Ocupación | filólogo , profesor universitario , numismático |
| Empregador | Universidade Humboldt de Berlín |
| Lingua | Lingua alemá |
| Premios | |
| - (2002): Premio da SHMI. - (2009): Medalla Huntington (ANS). - (2013): Medalla Eckhel (ÖNG). - (2015): Medalla da RNS. | |
Traxectoria
Bernd Kluge estudou Historia Medieval na Universidade Humboldt de Berlín.[1]
Desde de 1972 exerceu o seu labor no Gabinete Numismático (Münzkabinett) de Berlín, sito no Museo Bode, primeiramente como colaborador científico, a partir de 1982 como conservador, desde 1988 en condición de vicedirector, e entre 1992 e 2014 como director da institución.[2] Durante a súa dirección, o Münkabinett organizou en Berlín, en setembro de 1997, o XII Congreso Internacional de Numismática, do Consello Internacional de Numismática.[1][3]
Ademais, Bernd Kluge foi profesor de Numismática medieval na Universitdade Humboldt de Berlín.[4]
Kluge xubilouse en outubro de 2014.[1]
Entre os anos 1993 e 1999 foi membro da Comisión Numismática dos Estados da República Federal de Alemaña.[1][4]
Recoñecementos
- (2002): Premio da Sociedade de Historia Monetaria Internacional.[5]
- (2009): Medalla Huntington, da American Numismatic Society, de Nova York.[6][4]
- (2013): Medalla Eckhel, da Sociedade Numismática Austríaca, de Viena.[7]
- (2015): Medalla da Royal Numismatic Society, de Londres.[8]
- Membro de honra da Sociedade Numismática Austríaca.[9]
Publicacións
Esta é unha escolma das monografías máis salientables publicadas ao longo da traxectoria académica de Bernd Kluge:[10][11]
- (1976). Brakteaten. Deutsche Münzen des Hochmittelalters, Berlín.
- (1984). Brakteaten. Mitteldeutsche Brakteaten aus dem Münzkabinett der staatlichen Museen zu Berlin. Einführungen und Erläuterungen. Prisma-Verl. Zenner und Gürchott.
- (1991). Deutsche Münzgeschichte von der späten Karolingerzeit bis zum Ende der Salier (ca. 900 bis 1125). Thorbecke, Sigmaringen. ISBN 9783799541398
- (1993). Fernhandel und Geldwirtschaft. Beiträge zum Münzwesen in sächsischer und salischer Zeit (editor). Thorbecke, Sigmaringen. ISBN 9783799541442
- (1997): A Survey of Numismatic Research 1990-1995 (con Cécile Morrisson). International Numismatic Commission. Berlín. ISBN 9788885873001
- (2004). Das Münzkabinett - Museum und Wissenschaftsinstitut. Münzkabinett. Berlín. ISBN 978-3886094943
- (2006). Münzen und Medaillen. Die Ausstellung des Münzkabinetts im Bode-Museum. Prestel Verlag. Berlín. ISBN 978-3791337463
- (2007). Numismatik des Mittelalters. Vol. 1: Handbuch und Thesaurus Nummorum Medii Aevi. Österreichischen Akademie der Wissenschaften, Viena. ISBN 978-3-88609-603-9
- (2014). "Gold gab ich für Eisen" (con B. Weisser). En Das Kabinett. Nº 14. Münzkabinett, Berlín. ISBN 978-3-88609-748-7