Athene Donald
Athene Margaret Donald (Athene Margaret Griffith) nada en Londres, Reino Unido, o 15 de maio de 1953 é unha física británica.[1] É profesora de Física Experimental na Universidade de Cambridge e profesora no Churchill College, Cambridge.[2][3][4][5]
.jpg)  | |
| Biografía | |
|---|---|
| Nacemento | 15 de maio de 1953 (71 anos) Londres, Reino Unido |
| Datos persoais | |
| País de nacionalidade | Reino Unido |
| Educación | Girton College The Camden School for Girls (en)  |
| Actividade | |
| Campo de traballo | Polymer science (en) , física, Física teórica, física experimental (pt) , Física da materia condensada, Biofísica e polímero |
| Ocupación | física , profesora universitaria |
| Membro de | |
| Lingua | Lingua inglesa |
Premios
| |
| Páxina web | chu.cam.ac.uk… |
 | |
Traxectoria
Estudou na Camden School for Girls e no Girton College, Cambridge. Licenciouse en Ciencias Naturais cunha especialidade en Física Teórica, seguida dun doutoramento en 1977 con investigación en microscopía electrónica.
Trasladouse á Universidade Cornell, onde pasou de traballar con metais a polímeros, antes de regresar a Cambridge (Departamento de Ciencia de Materiais) en 1981 e ao Laboratorio Cavendish en 1983. Converteuse en profesora de física experimental en 1998. O seu campo de estudo principal é a física da materia branda, particularmente as súas aplicacións aos organismos vivos e a relación entre a súa estrutura e outras propiedades.[6][7]
A súa investigación aplicou a microscopía, especialmente a microscopía electrónica de barrido ambiental, ao estudo de sistemas tanto sintéticos como biolóxicos, especialmente os agregados proteicos.[8][9][10][11][12]
Unha descrición da súa investigación pódese atopar na revisión sobre a recepción da Medalla Faraday do Instituto de Física en 2010.[13]
Traballo en igualdade de xénero
Entre 2006 e 2014 foi a directora de WiSETI, Women's Initiative in Science, Engineering and Technology na Universidade de Cambridge e foi a defensora da igualdade de xénero entre 2010 e 2014. Fóra da universidade, presidiu o Athena Forum desde 2009 a 2013, unha organización que busca dar unha visión estratéxica dos desenvolvementos que pretenden ou demostraron avanzar na progresión e representación das mulleres en ciencia, tecnoloxía, matemáticas e medicina na educación superior do Reino Unido. É membro do Grupo de Diversidade do BIS, do Consello de Igualdade e Diversidade da Universidade de Sheffield e do grupo de traballo sobre o equilibrio de xénero de ERC; é mecenas do Daphne Jackson Trust.
Escribe regularmente sobre o tema da muller na ciencia tanto nos principais medios[14][15] como no seu blog persoal. Tamén dá moitas charlas sobre o tema.
Recibiu o UKRC Lifetime Achievement Award en 2011,[16] un Suffrage Science Award polo Medical Research Council en 2013[17] e ten un retrato de si mesma feito por Tess Barnes colgado no Cavendish Laboratory.[18]
Premios e recoñecementos
En 1999 elixírona Fellow da Royal Society[19]
- 1983: University Research Fellow da Royal Society (URF).[20]
- 1989: Premio Boys do Instituto de Física.[21]
- 2005: Medalla Mott do Instituto de Física.[22]
- 2006: Royal Society Bakerian Lecture.[23]
- 2009: Premio L'Oréal-UNESCO para a Muller na Ciencia.[24]
- 2009: Membro Electo da Academia Europaea.[25]
- 2010: Nomeada dama comandante da Orde do Imperio Británico (DBE) nas celebracións do aniversario da raíña.* 2010: Medalla Faraday do Instituto de Física.[26]
- 2011: Premio UKRC á Traxectoria en 2011.[27]