Associação de Estudantes do Instituto Superior Técnico
O Clube de Rugby do Técnico é un club de rugby da cidade de Lisboa que compite na Divisão de Honra, a máxima categoría deste deporte en Portugal.
| Nome | Clube de Rugby do Técnico | ||
|---|---|---|---|
| Alcume(s) | Engenheiros | ||
| Fundación | 1963 | ||
| Sede |  Lisboa | ||
| Estadio(s) | Campo das Olaias | ||
| Capacidade | 1000 espectadores | ||
| Liga(s) | Divisão de Honra | ||
| 2017-18 | 8º (permanencia) | ||
| |||
| Na rede | |||
| http://www.tecnico-rugby.com/ | |||
Historia
O Técnico foi fundado en maio de 1963 por un cuarteto de xogadores de rugby formado por Alfredo Santos, José Metelo, José Luis Steiger e Pedro Ribeiro, inspirados nos exemplos das outras seccións existentes de voleibol, baloncesto e balonmán do Instituto Superior Técnico (IST). O primeiro encontro oficial do Técnico remóntase ó 15 de decembro de 1963 no campo principal do Estadio Nacional de Jamor, pertencente ó Campionato Nacional de Segunda División, fronte ó Grupo Desportivo Guerin, con resultado de 30-0 a prol dos engenheiros. Nese mesmo ano venceron no primeiro Campionato Nacional de Juniores. Ó ano seguinte o primeiro equipo gañou o Campionato Nacional de Segunda División.
Consolidado como un dos equipos habituais na Divisão de Honra portuguesa, o club acadou dous títulos de liga nas tempadas 1980/81 e 1997/98, converténdose nun dos referentes do rugby portugués, no cal so existen oito clubs campións de liga. A ese palmarés hai que sumar as catro edición da Taça de Portugal que gañou en 1969, 1971, 1973 e 1994; e a Super Taça que gañou en 1994.
O seu terreo de xogo é o Campo das Olaias, que foi inaugurado o 22 de maio de 1993, malia que so puido ser empregado dous anos antes da súa destrución en maio de 1995 por mor dunhas reformas urbanas, tendo que volver a ser construído de novo e reinaugurado en xaneiro de 1998.
Palmarés
- 1981, 1998
- Taça de Portugal: 4
- 1969, 1971, 1973, 1994
- Super Taça: 1
- 1994
Táboa 2023/24
| Pos. | Equipo | Puntos | X | G | E | P | P+ | P- | BO | BD | |
|---|---|---|---|---|---|---|---|---|---|---|---|
| 1º. | SEMIFINAIS |  Belenenses | 73 | 18 | 16 | 0 | 2 | 733 | 257 | 9 | 0 |
| 2º. | SEMIFINAIS | .svg){kind=small} Agronomia | 63 | 18 | 12 | 2 | 4 | 621 | 318 | 10 | 1 |
| 3º. | 1/4s DE FINAL |  Benfica | 60 | 18 | 11 | 2 | 5 | 585 | 277 | 8 | 4 |
| 4º. | 1/4s DE FINAL |  Direito | 58 | 18 | 12 | 1 | 5 | 585 | 274 | 7 | 1 |
| 5º. | 1/4s DE FINAL |  Cascais | 55 | 18 | 12 | 1 | 5 | 589 | 361 | 4 | 1 |
| 6º. | 1/4s DE FINAL |  CDUL | 47 | 18 | 10 | 0 | 8 | 571 | 439 | 5 | 2 |
| 7º. | PERMANENCIA |  Académica | 31 | 18 | 7 | 0 | 11 | 344 | 514 | 2 | 1 |
| 8º. | PERMANENCIA |  São Miguel | 20 | 18 | 4 | 0 | 14 | 318 | 623 | 0 | 4 |
| 9º. | PERMANENCIA |  Lousã | 10 | 18 | 2 | 0 | 16 | 297 | 772 | 1 | 1 |
| 10º. | DESCENSO | CDUP | 5 | 18 | 1 | 0 | 17 | 210 | 1018 | 0 | 1 |