Aplauso ao persoal sanitario
O aplauso polo persoal sanitario foi un xesto de aclamación, recoñecemento e gratitude cara ao persoal sanitario en homenaxe ao seu labor durante a pandemia de COVID-19 (SARS-CoV-2). A iniciativa xurdiu en xaneiro de 2020 na cidade chinesa de Wuhan, orixe da pandemia. Posteriormente estendeuse a outros países durante as corentenas e cordóns sanitarios ordenados como medidas preventivas durante a pandemia.[1] Os primeiro país en replicar o agradecemento foi Italia, os primeiros días de marzo durante a corentena decretada polo goberno italiano o día 9 dese mes.[2][3]
Descrición
Consistía en brindar unha ovación a xeito de aplauso especialmente nas grandes aglomeracións urbanas, onde hai unha gran cantidade de edificios multifamiliares. Constituía unha homenaxe e agradecemento ao persoal sanitario, quen se atopaban nun alto risco de exposición ao virus, amais de promover que as persoas permanecesen nos seus fogares.[4] Este evento filantrópico foi altamente difundido polas redes sociais e converteuse en todo un fenómeno de Internet.[5]
Orixinalmente xurdiu por mor das aclamacións da poboación de Wuhan, que berraban jiāyóu, literalmente "bota aceite" (un modismo chinés para expresar "mantede a loita") ao persoal sanitario e á veciñanza desde as súas casas.[1] Nun principio constaba sobre todo de aclamacións e berros de ánimo. Porén, tras a diseminación global da pandemia, pasou a ser unha actividade baseada en aplausos.
Nalgúns lugares, o xesto tamén se estendeu a outros colectivos vulnerábeis de infección, como os corpos de seguridade, as forzas armadas ou o persoal dos supermercados, entre outros.[6][7]
Tamén se sumaron algunhas figuras públicas a esta iniciativa, con vídeos nas súas redes sociais aplaudindo o labor do persoal sanitario. Algunha delas foron o futbolista brasileiro Neymar[8] e os fillos do príncipe Guillerme de Cambridge, Xurxo, Carlota e Lois, en nome da familia real británica.[9]
Países e cidades onde se levou a cabo a iniciativa
- Andorra[10]
- Alemaña[11]
- Arxentina[12]
- Austria[13]
- Bélxica: Bruxelas[14]
- Canadá[15]
- Chile: Santiago de Chile[16]
- [17]
- Colombia: Bogotá[18]
- Croacia[19]
- Cuba[20]
- Ecuador: Quito[21]
- Emiratos Árabes Unidos: Dubai[22]
- España[23]
- Estados Unidos[24]
- Francia[25]
- India: Bombai[7]
- Irlanda
- Israel[26]
- Italia[27]
- México: Cidade de México [28]
- Nova Zelandia[29]
- Países Baixos: Ámsterdam[30]
- Panamá: Cidade de Panamá[31]
- Paraguai: Asunción[32]
- Perú: Lima[33]
- Reino Unido
- Suíza[34]
- Tailandia: Bangkok[35]
- Turquía
- Uruguai: Montevideo[36]
Véxase tamén
- Eu quedo na casa