Andrea Fuentes
Andrea Fuentes Fache, nada o 7 de abril de 1983 en Valls (Tarragona), é unha nadadora retirada catalá especialista en natación sincronizada. A súa irmá Tina Fuentes (1984–2018) tamén foi nadadora de natación sincronizada.[1][2]
  | |
| Biografía | |
|---|---|
| Nacemento | (ca) Andrea Fuentes i Fache 7 de abril de 1983 (41 anos)Valls, España |
| Datos persoais | |
| País de nacionalidade | España |
| Altura | 169 cm |
| Peso | 58 kg |
| Actividade | |
| Ocupación | nadadora de natação sincronizada (pt)  |
| Lingua | Lingua catalá e lingua castelá |
| Nacionalidade deportiva | España |
| Deporte | natación sincronizada |
| Participou en | |
| 2012 | Xogos Olímpicos de 2012 |
| 2008 | Xogos Olímpicos de 2008 |
| 2004 | Xogos Olímpicos de 2004 |
| Familia | |
| Cónxuxe | Víctor Cano |
| Irmáns | Tina Fuentes (en) |
Premios | |
| Páxina web | andreafuentes.es |
  | |
Traxectoria
É a nadadora máis laureada na historia do equipo nacional de España,[3] con catro medallas olímpicas, 16 de campionatos do mundo e 11 de campionatos europeos. As súas catro medallas olímpicas tamén a converten na muller española con máis medallas, xunto con Arantxa Sánchez Vicario e Mireia Belmonte.[4]
Uniuse á selección española de natación sincronizada en 1999.[3] Formada no Club Natación Kallípolis, formou parte do Dream Team xurdido no club, xunto con Gemma Mengual, Ona Carbonell e a súa irmá Tina Fuentes. Andrea competiu nos Xogos Olímpicos de 2004, 2008 e 2012, nos que gañou catro medallas na modalidade por parellas e por equipos.[5] Retirouse na competición de elite en xaneiro de 2013, alegando desmotivación por mor dun conflito entre a Real Federación Española de Natación e a adestradora da selección, Anna Tarrés.[3][6] Após retirarse, continuou a súa traxectoria como adestradora.[4]