Albor Tholus

Albor Tholus é un volcán inactivo da rexión volcánica de Elysium, situada no planeta Marte. Fica ó sur dos volcáns próximos, Elysium Mons e Hecates Tholus. Albor Tholus ten 4,5 km^[2] de altitude e ten un diámetro duns 160 km^[2] na súa base. A súa gran caldeira ten uns 30 km de diámetro e unha profundidade de 3 km,^[2] moi profunda en comparación coas caldeiras que se poden atopar na Terra. A altitude do nivel máis baixo da caldeira é a mesma cá da base do volcán; con todo, as pendentes orixinais de Albor Tholus puideron ser cubertas polos fluxos de lava do seu veciño máis grande, Elysium Mons. As avaliacións realizadas pola sonda Mars Express descubriron que os volcáns da rexións de Elysium estiveron activos durante longos períodos de tempo.

• 
  Topografía de Albor Tholus e os seus arredores.
• 
  Albor Tholus a ollos do THEMIS. A area sufriu a aparición dunha extensa falla.

Albor Tholus
Tipo de accidente xeolóxico	Tholus
Accidente xeolóxico de	Marte
Diámetro	158,38 km km[1]
Altitude	4,5 km[2]
Coordenadas	18,87° N 150,47° E[1]
Procedencia do nome	Nome dun antigo accidente xeolóxico.[1]