Aïchatou Boulama Kané
Aïchatou Boulama Kané, nada o 24 de abril de 1955, é unha política nixerina. Foi ministra de Asuntos Exteriores de Níxer de 2015 a 2016 e foi ministra de Planeamento desde 2016.
| Biografía | |
|---|---|
| Nacemento | 24 de abril de 1955  (69 anos)Keita (en)  |
| Ambassador of Niger to France (en) | |
| 23 de setembro de 2021 – | |
| Minister of Foreign Affairs of Niger (en) | |
| 25 de febreiro de 2015 – 11 de abril de 2016 ← Mohamed Bazoum – Ibrahim Yacouba (en) → | |
| Datos persoais | |
| País de nacionalidade | Níxer |
| Educación | Universidade de París - magister degree (en) Universidade de Rennes I (pt) Collège Mariama (en) - baccalauréat |
| Actividade | |
| Ocupación | política , diplomática |
| Partido político | Partido para a Democracia e o Socialismo de Níxer (1991–) |
| Lingua | Lingua francesa |
| Participou en | |
| IMF 2019 Annual Meetings (en) | |
Premios
| |
Traxectoria
Naceu en 1955 en Keita, Níxer. É a maior de 16 irmáns.[1] Despois da súa educación primaria en Mainé-Soroa de 1961 a 1967, asistiu ao Lycée Mariama en Niamey onde gañou un Baccalauréat série D en 1974. Viaxou a Francia, estudando na Universidade de Rennes 1, obtendo un grao de economía en 1979, e máis tarde estudou na Universidade de París I Panthéon-Sorbonne, gañando un diploma de Estudos Especializados.[2] Logo regresou a Níxer en 1983 e traballou no Ministerio de Minas, Industria e Artesanías.
Kané xogou un rol na marcha de protesta contra a baixa representación de mulleres na Conferencia Nacional, así ese 13 de maio constituíuse na celebración nixerina do Día das Mulleres. En 1991, foi elixida na Conferencia Soberana Nacional como membro do Partido Nixerino para a Democracia e o Socialismo. En 1993 foi nomeada Secretaria de Estado de Planeamento, e seguiu loitando pola mobilidade das mulleres africanas. En particular, promoveu o apoderamento feminino a través do desenvolvemento das súas actividades, incluíndo oficios. O seu cargo como Coordinadora da Exposición Internacional de Oficios para Mulleres (SAFEM) en 2000 ilustrou os seus esforzos nos oficios das mulleres.
Kané foi nomeada gobernadora de Niamey polo Consello de Ministros en 2011.[3] Serviu nesa posición dous anos antes de ser nomeada no ministerio de Interior.
Foi ministra de Asuntos Exteriores de 2015 a 2016.[4] E foi nomeada polo presidente, Mahamadou Issoufou, para substituír a Mohamed Bazoum o 25 de febreiro de 2015. Anteriormente fora xefa de Persoal de Issoufou.[5] Como ministra de Asuntos Exteriores, deu un discurso nas Nacións Unidas apoiando a solución de dous Estados para Israel e Palestina e deu as grazas á coalición implicada en loitar ao grupo terrorista Boko Haram. Kané como representante de Níxer apoiou na ONU o proceso de paz sancionado para Libia, facendo un discurso sobre o tema nunha conferencia internacional en decembro de 2015.[6] En febreiro de 2016, axudou a asegurar a liberación de Jocelyn Elliott, unha australiana que, xunto co seu marido Ken, estivo secuestrada por militantes islámicos en Burkina Faso.[7]
O 11 de abril de 2016 foi substituída como ministra de Asuntos Exteriores por Ibrahim Yacouba.[8] E, en cambio foi nomeada ministra de Plan e presidenta do Consello de Ministros de AFRISTAT.[9]
En agosto de 2023, despois do golpe dos golpistas en Níxer, Aïchatou Kané Boulama negouse a deixar a súa carteira como embaixadora de Níxer en Francia.[10]
Vida persoal
Casou con Kane Souleymane, un asesor presidencial, e teñen tres nenos.[11]