Diùcachd Sagsainn-Weimar-Eisenach

B’ e meanbh-dhùthaich ann an cridhe na Gearmailt a mhair bho 1809 gu ruige 1918 a bh’ anns an Diùcachd Sagsainn-Weimar-Eisenach (Gearmailtis: Herzogtum Sachsen-Weimar-Eisenach).^[1] B’ e Weimar a bh’ ann prìomh-bhaile na dùthcha^[2] agus b' e an Teaghlach uasal Wettin a bha os a cionn.^[3] Chaidh an Diùcachd a chruthachadh ann an 1809, nuair a ghabh Sagsainn-Weimar os làimh (Gearmailtis: Mediatisierung) Diùcachd Sagsainn-Eisenach. Bha Napoleon Bonaparte a' feuchainn ri atharrachaidhean mòra a dhèanamh air structair phoileataigeach na Gearmailt a thaobh Co-chaidreachas na Rèine,^[4] an dèidh dha chur às do dh' Ìmpireachd Naomh na Ròimhe. Bha Sagsainn-Weimar-Eisenach na ball Co-chaidreachas na Rèine bho 1809, a' cur a chuid shaighdear gu feachdan a' cho-chaidreachais, a-measg na 2,000 a dh' iarr Napoleon air na stàitean ann an Sagsainn air fad. B' e rud doirbh dhan stàit a bha seo. Chaidh an Diùcachd àrdachadh gu Àrd-dhiùcachd ann an 1815.^[5] Thug Ar-a-mach na Gearmailt buaidh mhòr air Sagsainn-Weimar-Eisenach agus leig an t-Àrd-dhiùc Wilhelm Ernst dheth an crùn. Chaidh poblachd, a bhuineadh dhan Phoblachd Weimar fhèin, a stèidheachadh na h-àite.^[6]

Diùcachd Sagsainn-Weimar-Eisenach Herzogtum Sachsen-Weimar-Eisenach
←  1809–1918  → Bratach na dùthcha Gearradh-arm
Mapa
Fiosrachadh
Bliadhna Tòiseachaidh	1809
Bliadhna mu Dheireadh	1918
Prìomh-Bhaile	Weimar
Càna(i)n Oifigeil	Gearmailtis
Farsaingeachd	3,617 km2
Àireamh-shluaigh	388,000 (1905)
Dlùths	107.27/km2