Coinneach
'S e ainm Gàidhlig a th' ann an Coinneach. [1][2][3] 'S e ainm baistidh fireann a th' ann. Chaidh e a-steach don Bheurla mar Kenneth [4]. Ach feumar a bhith faiceallach leis an ainm seo, air sgàth 's gun deach an t-ainm "Cinaed" a steach don Bheurla mar Kenneth cuideachd. [4]
Bunachas
'S e ainm Gàidhlig tradaiseanta a th' ann an Coinneach a tha gu math cumanta air a' Ghàidhealtachd [5] Is dòcha gu bheil e a’ ciallachadh "duine bàn, eireachdail". [5] Nochd an t-ainm seo ann an Leabhar Dhèir anns an 12mh linn mar "Cainnech mac Meic Dobarcon", "Comgell mac Caennaig, taesec Clande Canan", agus "Gartnait mac Cannech". [6]
Cruthan eile
Nochdaidh an t-ainm seo mar Cainneach [7][8] no Cainnech[4] cuideachd.
Thèid Coinneach a chleachdadh mar ainm sloinnidh cuideachd: Mac Coinnich no MacKenzie anns a' Bheurla [5]
'S e Céineag am meanbh-ainm a th' ann, nochdaidh e ann am Beurla mar "Kenny" [7]. Chithear cruth eile den ainm Kenny ann an Ros an Iar mar Cadhan. [7]
Daoine ainmeil air a bheil an t-ainm "Coinneach"
gu eachdraidheil
- Coinneach mac Ailpein no ainm eile: Cináed mac Ailpín, rìgh na Dail Riata agus Rex Pictorum
- Coinneach mac Mhaoil Chaluim, no: Cináed mac Maíl Choluim
- Coinneach mac Dhuibh no: Cináed mac Duib
- Coinneach Odhar
san latha an-diugh
- Coinneach MacAsgaill
- Coinneach MacIomhair
- Coinneach MacFhionghuin
- Coinneach MacGuaire
- Coinneach MacLeòid
- Coinneach Mac an Tòisich