Bheastraigh
'S e eilean ann an Arcaibh a tha ann am Bheastraigh[1] neo Ueastraigh[2] (Beurla: Westray; Lochlannais: vestr-øy[3], "eilean an iar"). Tha Bheastraigh cho mòr ri 47 km² agus mar sin 's e sin an siathamh eilean as motha anns na h-eileanan Arcaibh.
| Pàirt de | Arcaibh  |
|---|---|
| Dùthaich | Rìoghachd Aonaichte |
| Sgìre riaghaltais ionadail | Arcaibh |
| Siorrachd eachdraidheil | Arcaibh |
| Faisg air an uisge | Cuan Siar |
| Suidheachadh cruinn-eòlais | An Cuan a Tuath |
| Domhan-leud is -fhad | 59°18′0″N 3°0′0″W |
Cruth na tìre
Tha seann chlach-ghainmhich dearg cumanta ann am Bheastraigh a tha còmhdaichte le ùir torraich. Tha talamh bochd le mòine gann air an eilean[3] 'S e Fitty Hill (169m; 554 troigh) a' bheinn as àirde ann am Bheastraigh, suidhichte ann an taobh an iar an eilean.[4] nas fhaide chun an iar-thuath, eadar Noup Head is Pierowall chithear North Hill (104m) agus Couters Hill (108m). Tha cruth na tire ann an iar is an iar-dheas Bheastraigh rèidh.
Eaconamaidh
Ann an 2011 bha 588 duine a' fuireach an seo.[5] 'S e Pierowall am baile as motha ann am Bheastraigh. 'S e iasgach, tuathanas-èisg, crodh na gnìomhairean as cudromaiche airson muinntir an eilean. Gheibhear teachd a-steach a bharrachd le turasachd.
Tha crann-gaoithe anns an eilean agus tha e a' maoineachadh an Urrais Leasachaidh Bheastraigh.[6] Chuireadh an t-Urras air bhonn ann an 1998.
Eile
Ann an 2009 lorgadh dealbh nuadh-chreagach à clach-ghainmhich ann am Bheastraigh. Dh'ainmicheadh e The Westray Wife, no "A' Chailleach Bheastraigh."
Tha plèanaichean le motaran dealanach air a bhith ag iteal eadar Bheastraigh agus Papa Westray.[7]
Àireamh-shluaigh
Tha an clàr a leanas a' sealltainn ciamar a dh'atharraich àireamh muinntir an eilein tro na linntean.[3]
| Bliadhna | Àireamh-shluaigh |
| 1841 | 1791 |
| 1881 | 2200 |
| 1891 | 2108 |
| 1911 | 1668 |
| 1931 | 1269 |
| 1961 | 872 |
| 1981 | 701 |
| 1991 | 704 |
| 2001 | 563 |
Iomraidhean
| Le daoine | Mòr-thìr • Auskerry • Bheastraigh • Burray • Egilsay • Flotta • Gairsay • Graemsay • Holm of Grimbister • Hòigh • Iadaigh • Inner Holm • Papa Westray • Raghnallsaigh • Rinneansaigh • Romhsaigh • Sanndaigh • Siapansaigh • South Walls • Stronsaigh |
| Gun dhaoine | Brough of Birsay • Calf of Flotta • Cava • Colbh Iadaigh • Copinsay • Corn Holm • Damsay • Eynhallow • Fara • Faray • Glims Holm • Helliar Holm • Holm of Faray • Holm of Huip • Holm of Papa • Holm of Scockness • Hunda • Kili Holm • Lamb Holm • Linga Holm • Muckle Green Holm • Muckle Skerry • Papa Stronsay • Pentland Skerries • Rusk Holm • Rysa Little • Sweyn Holm • Switha • Swona • Sùla-Stac • Sùlaisgeir • Wyre |
