TriBeCa Productions

	TriBeCa Productions
	algemien
nasjonaliteit	Amerikaansk
type	privaat
sektor	filmstudio
haadkertier	New York (New York)
oprjochte	1989
oprjochter	Robert De Niro; Jane Rosenthal
eigner	Robert De Niro; Jane Rosenthal; Craig Hatkoff
mem	Tribeca Enterprises
	offisjele webside
	www.tribecafilm.com

TriBeCa Productions (ek wol skreaun as Tribeca Productions) is in Amerikaanske filmstudio en tillefyzjestudio dy't yn 1989 oprjochte waard troch akteur Robert De Niro en filmprodusinte Jane Rosenthal. It bedriuw is ferneamd nei de buert Tribeca, yn it súdlike diel fan 'e New Yorkske borough Manhattan, dêr't it fêstige is.

Skiednis

TriBeCa Productions waard yn 1989 oprjochte troch filmstjer Robert De Niro yn gearwurking mei filmprodusinte Jane Rosenthal, oan it begjin fan in weroplibbing fan 'e belangstelling yn 'e Amerikaanske filmyndustry foar it opnimmen fan films en tillefyzjeprogramma's op lokaasje yn 'e stêd New York.

Foarôfgeande oan 'e 1990-er jierren wie it nammentlik foar Amerikaanske filmstudio's foardieliger om sênes mei in stedske eftergrûn op te nimmen yn Kanadeeske plakken as Vancouver of Toronto. Sûnt de oprjochting fan TriBeCa Productions hawwe oare filmstudio's en ûnderdielen fan filmstudio's har yn ferskate buerten fan New York fêstige. It opnimmen fan films en tillefyzjeprogramma's yn 'e stêd is dêrtroch wer hiel gewoan wurde.

Yn 2003 brochten De Niro, Rosenthal en harren partner Craig Hatkoff TriBeCa Productions ûnder by Tribeca Enterprises. Dat is in grutter mediabedriuw, dat ek de Tribeca Cinemas omfiemet en it elts jier it Filmfestival fan Tribeca organisearret.

Produksjes

Films

We're No Angels (1989)
Cape Fear (1991)
Thunderheart (1992)
Mistress (1992)
The Night We Never Met (1993)
A Bronx Tale (1993)
Mary Shelley's Frankenstein (1994)
Panther (1995)
Faithful (1996)
Marvin's Room (1996)
Wag the Dog (1997)
Witness to the Mob (1998)

Entropy (1999)
Flawless (1999)
The Adventures of Rocky & Bullwinkle (2000)
Meet the Parents (2000)
Holiday Heart (2000)
Prison Song (2001)
About a Boy (2002)
Stage Beauty (2004)
Meet the Fockers (2004)
Rent (2005)
The Good Shepherd (2006)
What Just Happened (2008)

Public Enemies (2009)
Little Fockers (2010)
20% Fiction (2010)
36 (2010)
Warrior Queen (2011)
The Undomestic Goddess (2011)
Bohemian Rhapsody (2018)
Quincy (2018)
The Irishman (2019)
Artemis Fowl (2020)
The One and Only Ivan (2020)

Tillefyzjeprogramma's

TriBeCa (1993) (tillefyzjesearje)
NYC 22 (2012) (tillefyzjesearje)
About a Boy (2014) (tillefyzjesearje)
The Wizard of Lies (2017) (tillefyzjefilm)
When They See Us (2019) (minysearje)

Keppelings om utens

(in) Offisjele webside fan TriBeCa Productions

Boarnen, noaten en referinsjes

Boarnen, noaten en/as referinsjes:

Foar boarnen en oare literatuer, sjoch ûnder: References, op dizze side.

Search