Spoar fan Swol nei Ljouwert

Oan it spoar lizze hjoed-de-dei 9 stasjons:(kursyf: earder stasjon)

	Stasjon	Iepene	hjoeddeistich gebou
	Swol	1864	1866, 2e gebou, type SS earste klasse inkelde kearen yngreven ferboud, by iepening NCS gebou
	Berkum	1867	gjin, stasjon sletten yn 1923
	Dedemsfeart	1867	gjin, gebou sloopt yn 1952, stasjon sletten yn 1923
	Staphorst	1867	gjin, gebou sloopt yn 1970, stasjon sletten yn 1935
	Meppel	1867	1866, 1e gebou, type SS tredde klasse fernijd type
	Nijefean	1868	gjin, stasjon sletten yn 1933
	Stienwyk	1868	1972, 2e gebou, unyk ûntwerp fan arsjitekt C. Douma, by iepening type SS tredde klasse
	Willemsoard	1895	gjin, gebou sloopt yn 1940, stasjon sletten yn 1935
Oerissel/Fryslân
	Pepergea	1868	gjin, gebou sloopt yn 1970, stasjon sletten yn 1938
	Wolvegea	1868	1865, 1e gebou, type SS fjirde klasse
	Aldskoat	1868	gjin, gebou sloopt yn 1967, stasjon sletten yn 1938
	It Hearrenfean Iisstadion	1975	1975, NS, abry, stasjon sletten yn 2015
	It Hearrenfean	1868	1983, 2e gebou, unyk ûntwerp fan arsjitekt J.A. van Belkum, by iepening type SS tredde klasse
	Stobbegat	1924	gjin, gebou sloopt yn 1940, stasjon sletten yn 1938
	Akkrum	1868	1973, 2e gebou, standerttype Douma, by iepening fernijde útfiering type SS tredde klasse
	Grou-Jirnsum	1868	1976, 3de gebou, standerttype Douma, by iepening fergrutte útfiering type SS fyfde klasse
	Idaerd-Reduzum	1868	gjin, gebou sloopt yn 1959, stasjon sletten yn 1938
	Wurdum	1868	gjin, gebou sloopt yn 1983, stasjon sletten yn 1938
	Ljouwert	1863	1863, SS, 1e gebou, type SS tredde klasse inkelde kearen yngreven ferboud

Yn Swol hat it spoar ferbining mei oare spoaren:

• it spoar fan Apeldoarn nei Swol
• it spoar fan Swol nei Almelo
• it spoar fan Swol nei Emmen
• it spoar fan Swol nei Kampen
• it spoar fan Utert nei Swol

Yn Meppel hat it spoar in ferbining mei in oar spoar:

• it spoar fan Meppel nei Grins

Yn Ljouwert hat it spoar ferbining mei oare spoaren:

• it spoar fan Harns nei Ljouwert
• it spoar fan Ljouwert nei Grins
• it spoar fan Ljouwert nei Starum

Op 18 augustus 1860 waard yn de Spoarweiwet ûnder oaren besletten ta de oanlis fan de ferbining Swol - Ljouwert, as part fan de line Arnhim - Ljouwert. Op 1 oktober 1867 waard it part Swol - Meppel iepene, op 15 jannewaris 1868 it part Meppel - It Hearrenfean en itselde jier op 1 septimber waard it lêste stik, It Hearrenfean - Ljouwert, iepene.

It spoar foel oarspronklik ûnder de Steatsspoarwegen. Mei it ûntstean fan de Nederlânske Spoarwegen krige dy it behear oer it spoar. Oarspronklik wie der ek in halte Dalfsen, letter Berkum; yn 1923 is dy lykwols sletten. Yn 1924 waard in halte iepene yn Stobbegat (Vegelinsoard). Yn 1933 waard de halte Nijefean sletten, en yn 1935 de halte Willemsoard en it stasjon Staphorst. De stasjons fan Pepergea en Aldskoat en de halten Stobbegat en Idaard-Reduzum waarden sletten yn 1938. Ek it stasjon Dedemsfeart en de halte Wurdum waarden dat jier sletten, mar yn 1940 waarden se wer iepene. Stasjon Dedemsfeart waard lykwols datselde jier ek wer sletten, mar Wurdum bleau iepen oant 1949.

Fan 1975 oant 1977 waard in proef dien mei in stasjon It Hearrenfean Iisstadion. It stasjon waard lykwols wer sletten as regulier stasjon.

Yn juny 2010 waard troch de Twadde Keamer besletten dat de treinen tusken Swol en Ljouwert faker ride sille.^[1]

Treinen stopje no allinnich by It Hearrenfean Iisstadion as der yn Thialf grutte eveneminten binne.