MTV Unplugged in New York

MTV Unplugged in New York is in live-album fan Nirvana. It album waard opnommen op de 18 novimber 1993 yn de Sony Music studio's, yn New York en waard in jier letter in pear moannen nei it ferstjerren fan Kurt Cobain útbrocht.

MTV Unplugged in New York
algemiene ynformaasje
artyst	Nirvana
taal	Ingelsk
sjenre	Grunge
útbrocht	1 novimber 1994
opnommen	Sony Music studio's, 18 novimber 1993
doer	53:50 CD
label	DGC
produsint	Alex Coletti, Scott Litt, Nirvana
resultaten
albumlisten	Album top 100 - 2, Ultratop - 1
sertifisearre	Argentynje 3x platina, Austraalje 5x platina, Eastenryk 2x platina, Belgje 3x platina, Brazylje platina, Kanada 9x platina, Finlân goud, Frankryk 2x platina, Itaalje platina, Japan platina, Meksiko goud, Nederlân platina, Nij-Seelân platina,   Noarwegen platina, Poalen platina, Spanje 2x platina, Sweden platina,   Switserlân 2x platina, Grut-Brittanje 3x platina, Feriene Steaten 8x platina
albumgronology fan Nirvana
In Utero (1993)   MTV Unplugged in New York (1994)

By it optreden krigen de trije leden fan Nirvana help fan de bruorren Kirkwood fan de Meat Puppets en Pat Smear, de gitarist dy't live faak mei wie as twadde gitarist. Der wurdt ek sello op it album spile, troch Lori Goldston, en yn Jesus Doesn't Want Me for a Sunbeam bespilet bassist Novoselic in akkordeon.

Der waarden sawol eigen nûmers as ek nûmers fan oare bands spile lykas fan The Vaselines, Lead Belly, David Bowie en de Meat Puppets. It album befettet twa nûmers dy't yn de telefyzje-útstjoering net hearre litten waarden om't de útstjoering mar in oerke duorje mocht dit binne: Something in the Way en Oh Me. Live waarden ek koarte ymprovisaasjes spile fan Lynyrd Skynyrds Sweet Home Alabama en de Nirvana-nûmers Sliver en In Bloom. Yn 2007 waard it unplugged optreden op DVD útbrocht mei in fiiftal repetysjes as boanus nûmers.