David Gilmour

David Gilmour kaam yn 1967 by Pink Floyd as ûndersteuning fan syn freon Syd Barrett dy't ta gefolch fan drugs it paad bjuster wie, mar al rap moast Gilmour Barrett folslein ferfange. Doe't Roger Waters nei rûzje yn 1985 de groep ferliet, waard Gilmour de nije lieder fan Pink Floyd.

Njonken syn karriêre by Pink Floyd brocht er ek soloalbums út en spile yn de stille perioades fan Pink Floyd by tal fan grutte artysten as sesjemuzikant, of produsearre ek sels. Solo hat Gilmour fjouwer studioalbums útbrocht.

Gilmoure waard berne yn Cambridge, Cambridgeshire, Ingelân, as soan fan in heechlearaar Soölogy. Yn 1962 begûn David oan in studzje moderne talen. David Gilmour hat twa kear troud west, yn 1975 boaske er mei Amerikaansk model Virginia Hasenbein, hja krigen fjouwer bêrn, yn 1990 gie it pear nei fyftjin jier útinoar. Yn 1994 boaske David op 'e nij no mei skriuwster Polly Samson mei har hat Gilmour trije bêrn op 'e wrâld setten.