Kefalonia
Kefalonia | |
---|---|
![]() | |
Landafrøði | |
![]() | |
Vídd | 781 km² |
Umsiting | |
Land | ![]() |
Íbúgvalæra | |
Fólkatal | 35.801 (2011) |
Íbúgvatættleiki | 46 /km² |
Kefalonia (grikskt: Κεφαλονιά, Κεφαλλονιά) fyrr eisini nevnd Kefallinia er tann størsta av teimum Jónisku oyggjunum í Vestur grikkalandi. Oyggin er eisini ein regional eind í Región Jónisku Oyggjar. Høvuðsbýurin á Kefalonia er Argostoli.[1]
Jarðfrøði
![](http://upload.wikimedia.org/wikipedia/commons/thumb/d/df/Melissani_Cave%2C_Kefalonia_1.jpg/250px-Melissani_Cave%2C_Kefalonia_1.jpg)
![](http://upload.wikimedia.org/wikipedia/commons/thumb/d/da/Myrtos.jpg/250px-Myrtos.jpg)
Oyggin er 781 km2, umleið ein triðingur av fólkunum búgva í Argostoli. Lixouri er tann næststørsti býurin, og tilsaman búgva 2/3 av íbúgvunum á Kefalonia í teimum báðum býunum. Kefalonia liggur mitt í miðdeplinum fyri eitt jarðskjálvta øki, og smáir jarðskjáltar sum ikki merkjast henda á hvørjum ári. Í 1953 hendi ein stórur jarðskjálvti, sum legði nærum alla oynna í oyði, bert bygdin Fiskardo har norðuri á oynni var so gott sum órørdur. Fleiri serstøk náttúrufyribrigdi eru á oynni, teirra millum er Mellisani holan, við einum vatni, sum er bæði uttanfyri holuna og inni í holuni og Koutavos vatnið í Argostoli.
Náttúra
Fjøll og trø
Hægsta fjallið á oynni er Ainos fjallið, sum er 1628 m høgt; í ein útnyrðing eru Paliki fjøllini, har Lixouri er saman við øðrum fjøllum sum Geraneia (Gerania) og Agia Dynati. Toppurin á Ainos fjallinum er yvirvaksin við Abies cephalonica (grikskum granntrøum) og er ein náttúrupark. Oyggin hevur verið illa plágað av skógareldum í 1990-árunum og í 2000-árunum.
Djóralív
Kefalonia er væl kend fyri tær stóru havskjaldbøkurnar (Caretta caretta), ið leggja síni egg á Kaminia strondini. Skjaldbøkurnar verða vardar av einum Havskjaldbøku Verju-felagsskapi.[2]
Millum eysturstondina og oynna Ithaka, heldur ein hóttur kópur til, munkakópurin (Monachus monachus).
Yvir 200 ymisk fuglasløg eru sædd á Kefalonia.[3]
Fólkatalið
Ár | Fólkatal |
---|---|
1879 | 68.321[4] |
1896 | 70.077[5] |
1920 | 55.030[6] |
1940 | 58.437[7] |
1961 | 39.793[8] |
1981 | 41.319[9] |
2001 | 36.404[10] |
2011 | 35.801 |
Mentan
Kirkjur og klostur
Á oynni eru fleiri klostur og kirkjur, tvey klostur eru á tí breiða partinum av oynni: Aghia Panagia í Markopoulo í ein landsynning og Sankta Gerasimus av Kefalonia, sum liggur ávegis millum Argostoli and Michata í einum dali, umgyrt av fjøllum. "Sissia" klostrið sigst vera stovnað av Frans av Assisi, tað varð oyðilagt av jarðskjálvtalnum í 1953, men leivdirnar av tí síggjst enn.
Keldur
Slóðir úteftir
- Visitgreece.com Kefalonia Archived 2013-07-06 at the Wayback Machine