Astrið Foldarskarð
Astrið Foldarskarð (fødd 1994) er ein føroyskur svimjari, ið svam á føroyska svimjilandsliðnum í fleiri ár. Hon byrjaði at svimja við FLOT sum 6-ára gomul. Seinni skifti hon felag til Ægir í Klaksvík. Í 2013 vandi hon við VAT í Danmark,[1] og í 2014 svam hon fyri Swim Team Tåstrup. Í 2016 svam hon fyri Havnar Svimjifelag. Hon hevur fleiri ferðir sett føroysk met á teimum stuttu teinunum í frí og firvald og hevur vunnið fleiri heiðursmerki á Oyggjaleikum. Í august 2016 kunngjørdi hon á Facebook-vangamynd síni, at hon gavst við at svimja, tí hon fór undir útbúgving.[2]
Persónlig kunning | ||||||||||||||||||||||
---|---|---|---|---|---|---|---|---|---|---|---|---|---|---|---|---|---|---|---|---|---|---|
Tjóðskapur | Føroyar | |||||||||||||||||||||
Fødd(ur) | 1994 | |||||||||||||||||||||
Ítróttur | ||||||||||||||||||||||
Ítróttur | Svimjing | |||||||||||||||||||||
Svimjiháttur | Firvald | |||||||||||||||||||||
Heiðursmerkjayvirlit
|
Lísvleið innan svimjing
Danish Open 2016
- Nr. 15 í 50 m frí við tíðini 27.06, ið var nýtt føroyskt met.[3]
- Nr. 13 í 50 m firvald við tíðini 28.55.[4]
Oyggjaleikir 2015
- Gull í 4x50 m blandað við tíðini 1:57.06, sum var nýtt oyggjaleikamet. Hinar ið svumu vóru Ásbjørg Hjelm, Signhild Joensen og Sára Nysted.[5]
- Silvur í 50 m firvald við tíðini 28.13
- Silvur í 4x50 m frí við tíðini 1:47.40, saman við Sáru R. Nysted, Lív Eidesgaard og Vár Eidesgaard[6]
- Silvur í 4x100 m blandað við tíðini 4:19.64, ið var nýtt føroyskt landsliðsmet, hinar vóru: Sára Ryggshamar Nysted, Signhild Joensen, Ásbjørg Hjelm. Gamla metið á 4:22.92 settu Birita Debes, Malan V. Bærendsen, Bjørg Seloy og Shaila millum Garðarnar á Oyggjaleikum í 2009.[7]
- Bronsu í 100 m firvald við tíðini 1:02.76[8]
- Bronsa í 4x100 m frí við tíðini 3:54.02, sum var nýtt føroyskt landsliðsmet, hinar vóru Signhild Joensen, Vár Eidesgaard og Sára Ryggshamar Nysted.
Danish Open 2014
Astrið svam seg í finaluna í 50 m firvald við tíðini 28.57.[9]
- Nýggjundi bestu tíð í hálvfinaluni í 50 m firvald við tíðini 28.29, sum var nýtt føroyskt met,[10] Nr. 8 hevði tíðina 28.28, tvs 1/100 av einum sekundi betri tíð enn Astrið.[11]
Eysturdanska meistarastevnan á stuttgeil 2014
- Nummar 5 í 50 frí varð við tíðini 26.92
- Nummar 6 í 50 firvald við tíðini 29.09.[12]
Danish Open 2013
- Nr. 9 í 50 m firvald við tíðini 28.94, sum var nýtt føroyskt met, hon setti eisini føroyskt met í innleiðandi við tíðini 29.06.[13]
World Cup í Berlin 2012
Astrið luttók á World Cup í Berlin í oktober 2012. Hon svam 100 metrar firvald við tíðini 1:06.99[14] og 50 metrar firvald við tíðini 28.00 sek.[15]