Zuia
Zuia Araba iparraldean dagoen udalerria da, Zuia-Gorbeialdea eskualdeko handiena. Gasteiztik 18 bat kilometrora dago. Haren herriburua Murgia da.
Zuia | |||||||||||
---|---|---|---|---|---|---|---|---|---|---|---|
![]() | |||||||||||
![]() | |||||||||||
Administrazioa | |||||||||||
Estatua | Espainia | ||||||||||
Erkidegoa | Euskal Autonomia Erkidegoa | ||||||||||
Lurraldea | Araba | ||||||||||
Eskualdea | Gorbeialdea | ||||||||||
Izen ofiziala | ![]() | ||||||||||
Alkatea | Unai Gutierrez Urkiza (Euskal Herria Bildu) | ||||||||||
Posta kodea | 01130 | ||||||||||
INE kodea | 01063 | ||||||||||
Herritarra | zuiar | ||||||||||
Kokapena | |||||||||||
Koordenatuak | 42°58′55″N 2°49′57″W / 42.9819°N 2.8325°W | ||||||||||
![]() | |||||||||||
Azalera | 122,49 km2 | ||||||||||
Distantzia | 20 km Gasteiza | ||||||||||
Demografia | |||||||||||
Biztanleria | 2.343 (2023)![]() | ||||||||||
| |||||||||||
Dentsitatea | 0,02 biztanle/km² | ||||||||||
Hazkundea (2003-2013)[1] | ![]() | ||||||||||
Zahartze tasa[1] | % 20,38 | ||||||||||
Ugalkortasun tasa[1] | ‰ 24,12 | ||||||||||
Ekonomia | |||||||||||
Jarduera tasa[1] | % 79,87 (2011) | ||||||||||
Genero desoreka[1] | % 2,81 (2011) | ||||||||||
Langabezia erregistratua[1] | % 5,51 (2013) | ||||||||||
Euskara | |||||||||||
Euskaldunak[1] | % 27,71 (2010) | ||||||||||
Kaleko erabilera [2] | % 5.8 (2016) | ||||||||||
Etxeko erabilera[3] | % 13.07 (2016) | ||||||||||
Datu gehigarriak | |||||||||||
Webgunea | http://www.zuia.com |
Geografia
Inguru naturala
Zuia Gorbeiaren magalaren inguruan dago, eta Arabako mendirik altuenera igotzeko abiapuntua da. Arrato eta Badaiakoa udalerriaren muga naturalak dira, eta aipatzekoa da haranaren erdialdean dagoen Atxabal-Oroko mendigunea.
Udalerria zeharkatzen duen ibai nagusia Baias ibaia da.
Udalerri mugakideak
- Iparraldean: Orozko (Bizkaia).
- Hegoaldean: Gasteiz eta Badaiako Sierra Bravako Komunitatea.
- Ekialdean: Zigoitia.
- Mendebaldean: Amurrio eta Urkabustaiz.
Historia
Esaten da Erdi Aroko ganboatar eta oinaztarren arteko gatazka odoltsuek Zuian izan zutela sorrera[4].
Banaketa administratiboa
Zuiako udalerria honako 13 herriez osatua dago, biztanleen kopuruaren arabera:
- Murgia (udalburua): 1.169 biztanle 2007an.
- Sarria: 310 bz.
- Bitoriano: 255 bz.
- Ametzaga: 245 bz.
- Markia: 68 bz.
- Domaikia: 61 bz.
- Gillerna: 49 bz.
- Lukiano: 49 bz.
- Jugo: 47 bz.
- Aperregi: 44 bz.
- Zarate: 33 bz.
- Altube*: 29 bz.
- Ziorraga*: 13 bz.
(* Altube —lehen Monreal de Zuya gisa ere ezaguna— eta Ziorraga auzo gisa har daitezke, ez baitute kontzeju izaerarik.)
- Murgiko erdigunearen ikuspegia, eliza nabarmen.
- Ametzaga herria.
- Domaikiako San Bartolome elizako erretaula, estilo flandriarreko lan ikusgarria.
- Jugoko San Martin eliza.
- Iturrate jauregia, Sarria.
Demografia
XX. mendearen lehen erdia gorabeherarik gabe igaro zen Zuiako populazioari dagokionez. 1950eko hamarkadatik aurrera, ordea, populazioak beherako joera hartu zuen, gehienbat Gasteiz eta Bilbo hirietarako izandako emigrazioaren ondorioz.
1980ko hamarkadatik aurrera, garraiobideak hobetzearen eta hirietako etxebizitzen prezio altuen ondorioz, jende berria iritsi zen udalerrira, batez ere Murgira eta haren inguruetara. Horrek populazioa handitzea eragin zuen. Hala ere, populazio berri horren gehienak ez zuen lanik egiten udalerrian, Gasteizen baizik, eta udalerria lo-hiri bihurtu zen biztanle horientzat.
Zuiako biztanleria |
---|
![]() |
Datu-iturria: www.ine.es |
Politika
![](http://upload.wikimedia.org/wikipedia/commons/thumb/4/46/Murgu%C3%ADa_-_Ayuntamiento_1.jpg/300px-Murgu%C3%ADa_-_Ayuntamiento_1.jpg)
2023-2027 legegintzaldia
2023ko hauteskundeen ondorengo Zuiako udalbatza | |||||
Alderdia | 2023ko maiatzak 28 | ||||
Zinegotziak | Boto kopurua | ||||
Euskal Herria Bildu (EH Bildu) | 6 / 11 | ||||
Euzko Alderdi Jeltzalea (EAJ) | 4 / 11 | ||||
Zuiak Batzen Gaitu (ZBG) | 1 / 11 | ||||
Alderdi Popularra (PP) | 0 / 11 | ||||
Euskadiko Alderdi Sozialista-Euskadiko Ezkerra (PSE-EE) | 0 / 11 | ||||
Datuen iturria: Hauteskundeen emaitzak. Eusko Jaurlaritza (Gaztelaniaz) |
Alkateak
Hauek izan dira Zuiako azken alkateak:
Alkatea | Agintaldi hasiera | Agintaldi amaiera | Alderdia[5] | |
Ignacio Oregui Goenaga[5][6][7] | 1979 | 1983 | Euzko Alderdi Jeltzalea | |
Ignacio Oregui Goenaga[5][6] | 1983 | 1987 | Euzko Alderdi Jeltzalea | |
Jose Luis Apodaca Vea[5][6] | 1987 | 1991 | Euzko Alderdi Jeltzalea | |
Jose Maria Ibañez Loyo[5][6] | 1991 | 1995 | Euzko Alderdi Jeltzalea | |
Jose Maria Ibañez Loyo[5][6] | 1995 | 1999 | Euzko Alderdi Jeltzalea | |
Jose Maria Ibañez Loyo[5][6] | 1999 | 2003 | Euzko Alderdi Jeltzalea | |
Patxi Goikoetxea Burutxaga[5][6][8] | 2003 | 2007 | Euzko Alderdi Jeltzalea-Eusko Alkartasuna | |
Patxi Goikoetxea Burutxaga[5][9] | 2007 | 2011 | Euzko Alderdi Jeltzalea | |
Unai Gutierrez Urkiza[5][10][11] | 2011 | 2015 | Bildu | |
Unai Gutierrez Urkiza[5][12][13][10][11] | 2015 | 2019 | Euskal Herria Bildu | |
Unai Gutierrez Urkiza[5][13][14][10][11] | 2019 | 2023 | Euskal Herria Bildu | |
Unai Gutierrez Urkiza[11][15] | 2023 | Jardunean | Euskal Herria Bildu |
Garraioa
Araba Bus sareko eta
lineek zerbitzua ematen diote udalerri honi:
|
Gainera, Eskualdeko Garraioa sareak 2 linea ditu udalerrian:
|
Kultura
Euskara
Zuiako hizkuntza nagusia euskara izan da XIX. mende arte; bertako hizkera mendebaleko euskararen aldaera zen, eta XX. mendean atzerakada nabarmena izan zuen, erabat galtzeraino. Mende haren azken laurdenean abiatutako berreskuratze prozesuaren ondorioz, gaur egun zuiarren % 48,7 inguru da euskalduna, eta hiztun horiek biltzeko asmoz sortua da Bidabarri euskara taldea.
Ondasun nabarmenak
![](http://upload.wikimedia.org/wikipedia/commons/thumb/4/4c/Jugatxi_baseliza_Zuia.jpg/300px-Jugatxi_baseliza_Zuia.jpg)
- Gorbeiako Natura Parkea.
- Oroko Santutegia, Bitoriano ondoan dagoena, Atxabal-Oro haitzen parean (896 m). Eraikin nagusia XVI. mendekoa da.
- Jugatxiko baseliza, Jugotik gertu dagoena. Aisialdigunea du alboan, Arabako Foru Aldundiarena den parkean.
- Eztiaren museoa, Murgiko Oregi etxean dago.
- Bitorianoko 17. zenbakia duen baserria, XVII. mendekoa, Eusko Jaurlaritzak monumentu izendatua[16].
Zuiar ospetsuak
- Jose Santos Intxaurregi (17??-1811), jugoar merkataria, Buenos Airesen politikaria izandakoa.
- Luis Alava Sautu (1890-1943), murgiar politikaria, fusilatua.
- Javier Ruiz de Larrinaga (1979 - ), ametzagar ziklo-krosslaria.
- Elena Loyo (1983-), atleta.
- Mikel Landa (1989-), murgiar txirrindularia.
Erreferentziak
Ikus, gainera
Kanpo estekak
Euskarazko Wikipedian bada atari bat, gai hau duena: Euskal Wikiatlasa |
- Zuiako udalaren webgunea
- (Gaztelaniaz) Zuia Auñamendi entziklopedian
- "Herri txiki, infernu handi" saioan (ETB).