Piedramillera
Piedramillera[4] ([pieðramiʎeɾa]) Nafarroako udalerria da. Lizarrako merindadeko herri honek 41 biztanle zituen 2023. urteko erroldaren arabera.[5]
| Piedramillera | |||||||||||
|---|---|---|---|---|---|---|---|---|---|---|---|
 Nafarroa Garaia, Euskal Herria | |||||||||||
 Piedramillera eta Lokiz goi-ordokia. | |||||||||||
| |||||||||||
 | |||||||||||
| Kokapena | |||||||||||
| Herrialdea |  Euskal Herria | ||||||||||
| Lurraldea | Nafarroa Garaia | ||||||||||
| Merindadea |  Lizarra | ||||||||||
| Administrazioa | |||||||||||
| Estatua |  Espainia | ||||||||||
| Erkidegoa | Nafarroa | ||||||||||
| Izen ofiziala |  Piedramillera | ||||||||||
| Alkatea | Edurne Gaston Gaston (AIP, indep.) | ||||||||||
| Posta kodea | 31219 | ||||||||||
| INE kodea | 31204 | ||||||||||
| Herritarra | piedramillerar | ||||||||||
| Geografia | |||||||||||
| Koordenatuak | 42°37′58″N 2°12′10″W / 42.632777777778°N 2.2027777777778°W | ||||||||||
| Azalera | 11,25 km² | ||||||||||
| Garaiera | 615 metro | ||||||||||
| Distantzia | 66 km (Iruñetik) | ||||||||||
| Demografia | |||||||||||
| Biztanleria | 41 (2023:  1) | ||||||||||
| |||||||||||
| Dentsitatea | 3,67 biztanle/km² | ||||||||||
| Zahartzea[1] | % 18,72 | ||||||||||
| Ugalkortasuna[1] | ‰ 0 | ||||||||||
| Ekonomia | |||||||||||
| Jarduera[1] | % 0 (2011) | ||||||||||
| Desberdintasuna[1] | % 0 (2011) | ||||||||||
| Langabezia[1] | % 14,17 (2013) | ||||||||||
| Euskara | |||||||||||
| Euskaldunak[2][3] | % 3,90 (2018: %0,57) | ||||||||||
Nafarroako hiriburutik 66,5 kilometrora dago.
Geografia
Inguru naturala eta kokapena
Herria Nafarroa mendebaldean kokatzen da, Lizarrako merindadearen erdialdean. Herrira heltzeko NA-129 errepidea hartu behar da eta ondoren, Mendazarantz doan errepidea hartuta heltzen da Piedramillerara.
Piedramillerak Antzinekin egiten du muga iparraldean, Legaria eta Etaiorekin ekialdean, Mendazarekin mendebaldean, eta Sorladarekin hegoaldean.
Klima eta landaredia[6]
Klima mediterraneo-kontinental motakoa da. Batez besteko tenperatura 9 gradukoa da, prezipitazioak 800mm eta 1000mm bitartekoak. Urteroko egun euritsuak 100 inguru dira, batez ere, udaberri eta udazkeneko hilabeteetan.
Jatorrizko landaredia ia erabat galdu da gaur egun, dena den, udalerriaren gehienean arteak zeudela uste da. Piedramillerako 259 hektareatan aurki daitezke oraindik ere arteak. Horrez gain, azken urteetan birlandaturiko bost hektarea pinu daude.
Historia
1845ean Piedramillerak Berrotza ibarretik banatzeko eskaera egin zuen, eta Aldundiak bertatik banatzea erabaki zuen. 1847an herriak 90 errobo garidun eskola zeukan, elizako abadea, herritarrek aukeratzen zuten eta hiru onuradun zituen.
Demografia
 |
|---|
XIX. mendean hainbat gorabehera izan ondoren, biztanleriaren bilakaera, 1900etik 1910era goranzkoa izan zen eta 402 biztanle izatera iritsi zen, eta hortik aurrera behera egin du pixkanaka 1970era, urte horretatik 1991era beherakada nabarmena izan zen eta beheranzko joera mantendu da gaur egun arte.
Politika
Udal hauteskundeak
Azken hauteskundeetan Piedramillerako alkate kargurako Agrupación Independiente de Piedramillera (AIP) herri ekimeneko Maria Ines Acedo Acedo aukeratu dute.. Ez zen baliogabeko botorik izan ezta boto zuririk ere. Abstentzioa %5.13koa izan zen.[8]
| Alderdia | Botoak | Zinegotziak |
| AIP | 16 | 2 |
| PB | 13 | 1 |
| UPN | 6 | 0 |
2011ko udal hauteskundeetan ere AIP izen zen nagusi; aldiz, Edurne Gaston ez zen zinegotzi aukeratutako lagun bakarra izan: AIPko beste kide bat eta UPNren izenean aurkeztutako Isidro Olejua (aurrekoetan beste sigla batekin ere hautagai izan zena) hautetsi bihurtu ziren[9].
Alkateak
| 2007-2011 | Edurne Gaston Gaston | AIP |
| 2011-2015 | Edurne Gaston Gaston | AIP |
Udaletxea
Udaletxea, herriko plazako orube batean altxatu zen, antzina herriko maisuaren etxea izan zen toki berean. Eraikin berriaren eraikuntzak 8,9 milioi pezetako kostua izan zuen eta lanak Nafarroako gobernuak ordaindu zituen.
- HELBIDEA: Kale Nagusia z/g
Euskara
Nafarroako gobernuak onartutako Euskararen Foru Legearen arabera Piedramillera eremu ez-euskalduneko udalerria da, eta hori dela eta, hizkuntza ofizial bakarra gaztelania da. 2001eko erroldaren arabera, herritarren %3,33k zekien euskaraz hitz egiten.
Zerbitzuak
Lana, "Jurramendi Mankomunitateko" kidea da.
Ondasun nabarmenak
Erreferentziak
Ikus, gainera
Kanpo estekak
- (Gaztelaniaz) Piedramillerari buruzko informazioa Nafarroako Gobernuaren webgunean.
- Piedramillera NA-7410 errepidetik ikusia Google Street View-n.
Datuak: Q1647923
Multimedia: Piedramillera / Q1647923
Liburuak: Euskal Herriko bidaia-gida/Herriz herri/Piedramillera
| Euskarazko Wikipedian bada atari bat, gai hau duena: Euskal Wikiatlasa |