Panaeolus antillarum
Panaeolus antillarum Bolbitiaceae familiako onddo espezie bat da.[1] Jangarria, ez da psikoaktiboa. Baina normalean ez da kontsumitzen, bere habitata eta zapore mindu samarra kontuan hartuta.
Panaeolus antillarum | ||||||||||||||||||||||||||||
---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
Sailkapen zientifikoa | ||||||||||||||||||||||||||||
Erreinua | Fungi | |||||||||||||||||||||||||||
Klasea | Agaricomycetes | |||||||||||||||||||||||||||
Ordena | Agaricales | |||||||||||||||||||||||||||
Familia | Bolbitiaceae | |||||||||||||||||||||||||||
Generoa | Panaeolus | |||||||||||||||||||||||||||
Espeziea | Panaeolus antillarum Dennis, 1961 | |||||||||||||||||||||||||||
Mikologia | ||||||||||||||||||||||||||||
|
Sinonimoak: Psilocybe antillarum, Panaeolus phalaenarum.
Deskribapena
Kapela: 3 eta 8 cm bitarteko diametrokoa, kanpai-itxurakotik ganbilera, lodia, leuna, batzuetan zimur finekin. Kapelaren azala leuna, zuri-gris argi kolorekoa edo baita horixka kolorekoa ere, zahartzean zilar kolorekoa edo zuri distiratsua bihurtzen da.
Orriak: Adnatuak, sabeldun samarrak, gaztetan grisak eta espora-jalkinaren ondoren, beltz tantodunak, ertza zuri-gris kolorekoa.
Hanka: 4 eta 20 cm bitarteko garaierakoa, zurixka, nahiko sendoa, gainazal leuna goian eta ildaskatua behean, batzuetan okerra eta zertxobait loditua oinarrian. Eraztun gabe.
Haragia: Zurixka, oso lodia, usain fungikoa eta mindu samarreko zaporea. Espora jalkina beltza.[2]
Etimologia: Panaeolus terminoa, grezieratik dator, "panoiolos" hitzetik, "pas pasa pan" = dena, eta "aiólos" = habitat koloretakoak.
Jangarritasuna
Jangarri kaskarra.[3]
Nahasketa arriskua
Psilocybe cyanenscens, haluzinogenoa, meheagoa da, kapela deprimituagoa eta kolore grisaxkagoa du orban urdinxkekin. Panaeolus semiovatus delakoak eraztuna du.
Sasoia eta lekua
Udaberrian, udazkenean, euri sasoietan. Espezie arrunta eta kosmopolita, banaketa geografiko zabalekoa. Ganaduaren simaurretan (4 hankako hausnarkariak), Taldeka edo soropildu samar ateratzen da.
Banaketa eremua
Mundu osoan barreiatzen da, kontinente guztietan zehar, Antartikan izan ezik, eta habitat ugaritan garatzen da.