Leyla Hussein
Leyla Hussein, somalieraz: Leyla Xuseen (Somalia, 1980 ) psikologo, psikoterapeuta eta aktibista sozial britainiarra da. Dahlia proiektuaren, Daughters of Eve erakundearen sortzaileetako bat eta Hawa's Haven-eko zuzendari nagusia. 2020an, Hussein St Andrews Unibertsitateko Errektore hautatu zuten, 600. urteko unibertsitatearen lehen emakume errektorea.
| Leyla Hussein | |
|---|---|
 | |
| Bizitza | |
| Jaiotza | Somalia, 1980 (43/44 urte) |
| Herrialdea |  Somalia |
| Hezkuntza | |
| Heziketa | University of West London (en)  |
| Jarduerak | |
| Jarduerak | psikologoa |
| Jasotako sariak | ikusi |
| dofeve.org | |
  | |
_rib.PNG){kind=small}
Biografia
1980an Somalian jaio eta urte gutxiren buruan Erresuma Batura joan zen bizitzera. Thames Valley Unibertsitatean ikasi zuen eta bertan Aholkularitza Terapeutikoan lizentziatu zen.[1]
Hamar urtez lan egin zuen ugalketa osasunaren inguruko dibulgazioa egiten.[2] Waltham Forest-eko African Well Women Clinic-en lan egin zuen, Erresuma Batuko emakumeen genitalen mutilaziotik bizirik atera zirenekin elkarlanean. Leyla Hussein-ek NAZ London proiektuan ere lan egin zuen sexu-osasuneko aholkulari gisa, GIBak eta HIESak jotako somaldarrekin lanean.
2010ean, Nimco Ali eta Sainab Abdirekin batera, Daughters of Eve sortu zuten.[3] [4] Irabazi-asmorik gabeko emakumeen genitalen mutilazio inguruan sentsibilizatzeko. Hussein bera MGFtik bizirik atera zen. [5] [6] [7] Gainera, Hawa's Haven-eko zuzendari exekutiboa da. Dahlia's Project laguntza-terapia taldea ere zuzentzen du, Manor Garden Health Advocacy Project-ekin batera sortu zena. [8] The Girl Generation-en enbaxadore globala da.[9]
2013an, Husseinek The Cruel Cut aurkeztu zuen, dokumental aitzindari bihurtu zen, Britainia Handiko FGMari aurre egiteko politikak eta legeak aldatzen lagundu zuena. Ondoren, Barbara Miller zinemagile suitzarrak zuzendutako #Female Pleasure dokumentalaren bost protagonistetako bat izan zen, 2018an Locarnoko Jaialdian estreinatu zena.[10]
END FGM-Europako kanpainako aholkularia izan zen, Amnesty International-ek lagunduta, Zipre, Vienako eta Londresko gobernuei hitz egin zien.[11] Horrez gain, Hussein FGM Special Initiative Advisory Group [12] eta Desert Flower Foundation-eko Aholku Taldeko administrazio kontseiluan dago, Waris Dirie-k finantzatutako ongintzazko erakundea.[13] Londresko Naz Projecteko zuzendaritza batzordean ere egon zen.[12]
2020an, Hussein St Andrews-eko Unibertsitateko errektore hautatu zuten, unibertsitate honetan kargu hori bete zuen lehen emakumea.[14] [15]
Sariak eta Aitortzak
- 2019an Britainiar Inperioko Ordenako (OBE) ofizial izendatu zuten.
- 2014an Woman's Hour Power List-en seigarren postuan sailkatua. [16]
- 2014an Red Magazinek emandako Woman of the Year Awards saria.[17]
- 2014an Debbets 500 zerrenda.[18] [19]
- 2014an BAFTArako izendatua.[20]
- 2013an BBC 100 Emakumeen Zerrendan sailkatua.
- 2012an True Honor Saria, Irango eta Kurduen Emakumeen Eskubideen Erakundeak emana.
- 2011an Emma Humphrey Saria,
- 2010eko Cosmopolitan Ultimate Campaigner Emakumearen Urteko Saria,
- 2008ko PCT Breaking Down Barriers Award,
Erreferentziak
Ikus, gainera
Kanpo estekak
- Leyla Hussein at TEDxCoventGardenWomen (TEDx Talks, 2014)
Datuak: Q17386070
Multimedia: Leyla Hussein / Q17386070
