Kiropraktika
Kiropraktika (grekerazko χείρ kheir « esku», eta πρᾶξις práxis « ekintza» ) edo Kiropraxia medikuntza alternatibo mota bat da[1]. Muskulu-eskeletu sistemaren alterazioen diagnosian, tratamenduan eta prebentzioan oinarritzen da. Era berean, alterazio hauek nerbio-sisteman eta osasunean orokorrean sortzen dituen gaitzak ere tratatzen ditu.
David Daniel Palmer-ek sortu zuen kiropraktika 1890eko hamarkadan eta bere semeak, B.J. Palmer lagundu zuen XX. mendean zehar terminoren zabalkundean.
Kiropraktikaren premisak
- Gorputza berezko errekuperazio eta egoera hoberenean mantentzeko ahalmena du.
- Nerbio-sistemak gure organismoaren funtzio guztiak kontrolatzen ditu.
- Nerbio-sistemaren funtzionamendua bizkarrezurrean eragozte bada (orno subluxazioa), gorputzak errekuperaziorako duen ahalmena eragozten da eta ez du bere osotasunean lan egingo.
- Kiropraktikak orno subluxazioa antzeman eta zuzentzen du. Nerbio-sistemaren funtzionamendua hobetzen da honela, ondorioz osasuna ere[2].
Eztabaida
Ibilbide luzea izanagatik, kiropraktika eztabaidatua izan da[3][4]. Adostasun zientifikoaren arabera, lokomozio-aparatuko eta bizkarreko gaitzetarako gainerako eskuzko teknikak bezain eraginkorra dela onartua dago. Aitzitik, ez dago frogatua gainerako gaitzetarako eraginkortasuna erakusten duenik, eta bai, ordea, zerbikalen okerreko manipulazioak erakar ditzakeen gaitz larriak[5]. Era berean, gorputzaren berezko adimena kontzeptua eta subluxazio kiropraktikoa sasi-zientzia kontsideratu izan dira[6].
Hala eta guztiz, azken hamarkadetan kiropraktikak legitimazio eta onarpen handiagoa lortu du medikuen artean eta dagoeneko Estatu Batuetako zenbait osasun planetan txertatua dago[7].
Kanpo estekak
- Munduko Kiropraktika Federazioa (WFC)
- Kiropraktikoen Nazioarteko Elkartea (ICA)
- European Council on Chiropractic Education (ECCE)
- Frantziako Kiropraktika Elkartea
- Espainiako Kiropraktika Elkartea
Datuak: Q658096
Multimedia: Chiropractic / Q658096
