Joana Lasheras
Joana Lasheras Perez (Iruñea, Nafarroa, 1980ko irailaren 15a) nafar kazetaria eta telebista aurkezlea da. Albiste emaile bezala 'Gaur egun' saioan agertu ohi da azken urteetan.
Joana Lasheras | |
---|---|
Bizitza | |
Jaiotza | Iruñea, 1980ko irailaren 15a (43 urte) |
Herrialdea | Nafarroa Garaia, Euskal Herria |
Hezkuntza | |
Heziketa | Nafarroako Unibertsitatea |
Hizkuntzak | euskara gaztelania |
Jarduerak | |
Jarduerak | kazetaria |
Enplegatzailea(k) | EITB |
Ikasketak
Iruñerriko San Fermin ikastolan egin zituen oinarrizko ikasketak (1983-1998) batxilerra bukatu arte; eta Nafarroako Unibertsitatean Ikus-entzunezko komunikazioa burutu zuen 2002 urtean. Kazetari bezala esperientzia handia izan du harrezkero, komunikabide ezberdinetan, bere ibilbiderik emankorrena Euskal Telebistan egin badu ere.
Bizitza
Iruñean jaio eta nafarra izanik, Bizkaiko Galdakao herriak galdakotartzat du, Binke aldizkarian azaldu duenez: "Oso gustura bizi naiz Galdakaon, baina aukera dudan guztietan garbi uzten dut, ni, izatez, nafarra naizela. Iruñean bizi izan naiz 24 urtez, eta nire bizitzako azken 15 urteak Galdakaon."[1]
Besteak beste, ETB-2ko «Pásalo» saioan erreportari aritu zen sei urtez, ETB-1eko Ur Handitan saioan erredaktore, Xabier Euzkitzerekin batera Anitzele saioaren aurkezle eta, gaur gaurkoz, albistegietarako erreportari.
Esperientzia zabala du zuzeneko konexio, ikerketa erreportaje eta era guztietako elkarrizketetan, euskaraz zein gazteleraz, ETBko zenbait tele-saiotan ikusi ahal izan denez: SIN IR MÁS LEJOS, PÁSALO, BERTATIK BERTARA, HARIAN, UDANBEBLAI…
Kazetari eleanitza dela argi gelditu da, euskaraz, gazteleraz, ingelesez eta frantses hizkuntzatan aritzeko gaitasuna baitu.
Ibilbidea
2002-2004 ETBko praktika kontratua izan zuen ikasketak bukatu ondoren
2004an Bilbon lanean hasi zen TVEn emititzen zen «Muchoviaje» saioan. Urtebete eman zuen alde batetik bestera bidaiatzen.
2005ean ETBn hasi zen. Galdakaon dagoen K2000 ekoizpen etxearen bitartez, besteak beste, Bertatik Bertara, Udanbeblai, Pásalo, Anitzele eta Sin ir más lejos saioetan parte hartu du. Saio horietan erredaktore, aurkezle eta erreportari lanetan ibili da.
2009an Baleuko ekoizpen etxean hasi zen Ur Handitan saioan
2012an albistegietan hasi zen lanean.
Tarte horretan La Sextako albistegietan ere ibili zen lanean.
Galdakaoko BINKE aldizkarian Jon Gomez Garai kazetariak egindako elkarrizketan irakurri ahal denez,[2] "ETBko albistegietako aurpegi ezagun bihurtu da Joana Lasheras kazetaria, Galdakaon 15 urte daramatzan iruindarra."
Zenbait lan komunikatibo egin ditu azken urteetan, besteak beste "Korrikaren jarraipen berezia egiten ibili da gainera Euskal Herri osotik, Egunon Euskadi saiorako, Gaur Egun zein Teleberrirako", Binke Aldizkariari aitortu bezala.
Lanak
Telebistan
Urtea | Izenburua | Katea | Oharrak |
---|---|---|---|
2017-2019 | Ur Handitan | ETB 1 | Erredaktore Baleuko produktorarekin |
2010-2011 | Anitzele | ETB 1 | Aurkezlea |
2005 | Udanbeblai | ETB 1 | |
2004 | MuchoViaje | TVE | |
Dokumentala eta Liburua
2006 urtean Euskal Telebistarako "En la sombra - Itzaletan" dokumentala osatzeko kazetari bezala egin zituen elkarrizketetan oinarrituta, ESCOLTADOS liburua idatzi zuen, 2006ko Matxoaren 22an ETAren suetena iragarri baino lehenago, mehatxaturik bizkarzainarekin ibili behar izan zuten sei pertsonen testigantzetan oinarrituta (Juan Mari Atutxa, Garbiñe Biurrun, Gorka Landaburu, Estanis Amutxastegi, Ramon Etxezarreta eta Laura Garrido ).[3]
DONOSTIAKO ZINEMALDIan aurkeztu zen dokumentala 2005 urtean.
Erreferentziak
Kanpo estekak
- Gaztezulo aldizkarian Anitzele saioan zegoeneko elkarrizketa