Infernuko errota
Infernuko errota Baztan eta Etxalar artean dagoen ur-errota da.
Infernuko errota | |
---|---|
![]() | |
Kokapena | |
Herrialdea | ![]() |
Probintzia | ![]() |
Udalerria | Etxalar eta Baztan |
Koordenatuak | 43°12′28″N 1°34′17″W / 43.20789°N 1.57128°W |
![]() | |
Kokapena
Baztan eta Etxalar artean dago, Orabidea (Lekaroz) eta Tximista auzoen artean, Bertizko lurretatik hurbil.[1] Etxalar, Baztan eta Zugarramurdi lotzen dituen NA-4453 errepidea hartu behar da bertara iristeko. Autoa Etxebertzeko bordaren ondoan utzirik, kilometro eta erdiko bidea dago erreka bazterretik.[2]
Deskribapena
Zurezko zubi baten gainean erakia, ez du ez uharkarik, ez ubiderik, ur jauzi baten indarraz baliatzen baizen gurpil hidraulikoa mugitzeko. Egituraren zatirik handiena gaztainezkoa da, eta harlanduxkaz egindako bi paretek ematen diote sendotasuna. Bi isurkiko teilatua dauka, arabiar teilazkoa.[3][1]
Historia
Haren jatorria ezezaguna bada ere, uste dute XVII. mendean funtzionatzen zuela.[1] 1960ko hamarkada amaieran erabiltzeari utzi zioten.[2] 2000. urtean berritua izan zen.[4]