Hiri Antolamenduko Plan Orokor

Hiri Antolamenduko Plan Orokorra (HAPO), hirigintza-arautegian, lurraldearen antolakuntza orokorra ezartzen duen araua da.

Hirigintza-antolamenduaren oinarrizko tresna. Nahitaez jaso behar ditu udalerri osoaren egiturazko antolamendua eta plan orokorrak hiri-lurzoru finkatuaren kategorian sartu duen hiri-lurzoruaren antolamendu xehatua, eta aukerakoa du lurzoru urbanizagarri sektorizatuaren eta plan orokorrean hiri-lurzoru finkatuaren kategorian sartu gabeko hiri-lurzoruaren antolamendu xehatua jasotzea.^[1]

Auzitegi Konstituzionalak emandako 61/1997 epaiaren arabera, Espainian Autonomia Erkidegoen eskuduntza baztertzailea dugu honakoa^[2] baina Estatu Batuetan estatuek normalean tokiko gobernuen eskuetan uzten dute.^[3]