Faerberia carbonaria
Faerberia carbonaria Polyporaceae familiako onddo espezie bat da.[1] Jangarria, Beste Cantharellus batzuen kalitatea baino apalagokoa du.
| Faerberia carbonaria | |
|---|---|
_Pouzar_379607.jpg) | |
| Sailkapen zientifikoa | |
| Erreinua | Fungi |
| Klasea | Agaricomycetes |
| Ordena | Polyporales |
| Familia | Polyporaceae |
| Generoa | Faerberia |
| Espeziea | Faerberia carbonaria Pouzar, 1981 |
Sinonimoak: Cantharellus carbonaria, Cantharellus umbonatus var. carbinarius. Cantharellus anthracophilus, Merulius carbonarius, Merulius leucophaeus. Lentinus carbonarius.
Deskribapena
Kapela: 2 eta 6 cm bitarteko diametrokoa, inbutu forman erdian sakonune batekin, batzuetan titi txiki batekin, ertz biribildu-lobulatuarekin. Azal ezkatatsuarekin, haritsua, arre ilun kolorekoa lehorrean edo gris-marroia, ia beltza lehorrean.
Orriak: Ongi definituak, dekurrenteak, ugari, oso meharrak, anastomosatuak, irregularki adarkatuak, elkarren artean zeharkako zainen bidez lotuak, zuri zikin kolorekoak, gris-urdin tonuekin.
Orri dekurrenteak: Hanka ukitzeaz gain, beherantz jarraitzen duten orriak.
Hanka: Beti betea, ia zilindrikoa, luzea, askotan eszentrikoa, grisaxka edo kapelaren kolorekoa.
Haragia: Zurixka, biguna, ez oso haritsua. Usain eta zapore gabea. Espora-jalkina zuria.[2]
Etimologia: Cantharellus terminoa grekotik dator eta koparen txikigarria da, kopa txikia esan nahi du.
Jangarritasuna
Kalitate ertaineko jangarria.[3]
Nahasketa arriskua
Cantharellus cinereus delakoarekin nahas daiteke, honek oin beltzaxkagoa eta motzagoa du, batzuetan barnehutsa, orriak ez hain dekurrenteak eta aran usaina.
Sasoia eta lekua
Urte osoan. Urria. Erretako lurretan, txondor-zuloetan.
Banaketa eremua
Kanada, Ameriketako Estatu Batuak, Mexiko, Guyana Frantsesa, Europa, Kanariak, Australia.[4]
Erreferentziak
Kanpo estekak
Datuak: Q10547193
Multimedia: Faerberia carbonaria / Q10547193
