Canis lupus nubilus

• 27-50 kilo artean pisatzen du, 60 kiloak gainditzen dituzten arrak ikusi daitezkeen arren.
• Emea arra baino %20 txikiagoa da.
• Bere ilajea, normalean, beltz, zuri eta gorrixka da.

Alfa bikotea edo bikote menderatzailea bakarrik ugaltzen da, urtarrilaren bukaeratik otsailaren hasieraren arteko buelta horretan. 63 eguneko ernaldia ostean, emeak 4-6 otsokume erditzen ditu aurretik prestatu eta atondutako kobazulo edo gotorleku batean. Kume horiek 6-8 hilabete betetzean erabat aske ibiltzeko gai dira, 22 hilabeteren bueltan heldutasun sexuala lortzen dute.

Oreinak, altzeak, hegaztiak eta kastoreak zein erbiak bezalako karraskariak ehizatzen ditu taldean.

Antzinean Estatu Batuetako mendebaldetik Kanadako ipar-ekialderaino hedatzen zen, 1960-ko hamarkadatik aurrera murrizpen handia pairatu behar izan zuen, bai hedapen eta baita populazio edo kopuruaren aldetik ere. Egun, Aintzira Handietako lur-eremuetan bakarrik hedatzen da (Minnesota,Wisconsin, Michigan eta Ontario).

Batez bestez, 5-6 alez osaturiko taldeetan bizi eta antolatzen da.

• (Ingelesez) Canis lupus nubilus. Integrated Taxonomic Information System. (Ingelesez)
• IUCN-ko mehatxaturiko espezieen zerrenda gorria (Ingelesez)