Belar-meta
Belar-meta edo lastameta belar onduz edo lastoz osatutako piloa da (belar-meta edo lasto-meta). Bere helburua belarra edo lastoa denboraldi batean gorde eta gerora ganaduarentzako elikagai gisa erabiltzea da.[1] Belarra eta lastoa metatan pilatzean eguraldi baldintza kaskarretatik babestu eta hauek ahalik eta denbora gehien iraun dezatela lortzen da, honela bere nutrizio ezaugarriak gordez.
Gaur egun nekazal tresneria eta makinen orokortzearen ondorioz eta batez ere lursail zabalak diren lurralde edo eskualdeetan belar makinez gauzatutako belar-fardez ordezkatuak daude. Belar-farda hauek Nafarroa eta Arabako erdialde eta hegoaldean ohikoak dira, baita Iparraldean ere, aldiz metak Gipuzkoa, Nafarroako iparraldea eta Bizkaian ohikoak dira, eremu menditsuagoak baitira.
Egitura
Erdialdean ziri eta makil luze batez osatuta dago, honen inguruan ebakitako belarra edo lastoa mailatan pilatzen delarik.
Kokapena
Euskal Herriaz gain Europa osoko nekazal eta baserri giroko herrialde eta eskualde ugaritan maiz ikusi ahal dira.
