Azizulhasni Awang
Muhammad Azizulhasni bin Awang: Estatu titulu, DPMT, KMN, AMN (Kuala Dungun, Terengganu, Malaysia, 1988ko urtarrilaren 5a) Malaysiako pistako txirrindulari profesionala da. Duen altuera txikiagatik "The Pocket Rocketman" goitizenaz izendatua, Udako Olinpiar Jokoetan domina irabazi duen Malaysiako txirrindulari lehena eta bakarra da[1].
Azizulhasni Awang | |
---|---|
![]() (2020) | |
Bizitza | |
Jaiotza | Kuala Dungun (en) ![]() |
Herrialdea | ![]() |
Hezkuntza | |
Heziketa | Victoria University (en) ![]() |
Jarduerak | |
Jarduerak | txirrindularia |
Pisua | 69 kilogramo |
Altuera | 166 zentimetro |
Sinesmenak eta ideologia | |
Erlijioa | islama |
thepocketrocketman.blogspot.com |
2008ko Udako Olinpiar Jokoen Nazioen desfilean, Malaysia Taldeko bandera nazional eramaile izan zen Azizulhasni. 2009an, bere lehenengo Mundu Txapelketan, zilarrezko domina irabazi zuen esprintean[2]. Bere estreinako domina olinpikoa 2016ko Udako Olinpiar Jokoetan lortu zuen, brontzea, banakako keirin modalitatean[3]. 2020ko Tokioko Olinpiar Jokoetan, zilarrezko domina irabazi zuen banakako keirin kategoria berean[4].
2017an, bere lehen Munduko Txapelketa irabazi zuen keirinean[5], eta ortzadarraren elastiko preziatua jantzi zuen Malaysiako lehena izan zen[6].
Hastapenak eta hezkuntza
Azizulhasni Dungun, Terengganu (Malaysia), jaio zen, Awang Embong eta Rokiah Husin bere guraso biologikoarengandik. Bere familiako bederatzi seme-alabetatik zortzigarrena da, eta Mustafa Ngah eta Selamiah Yong-ek adoptatu zuten[7][8]. Azizul 10 urterekin hasi zen txirrindan ibiltzen, bere lehen entrenatzaile Rozimi Omar-ek aurkitu, eta skate-a uzteko eta txirrindularitzan zentratzeko gomendatu zion[9][10]. Eskerrak eman zizkion bere aita zenari, UPSRn 4A 1B eskola-titulua lortu ondoren sari gisa bizikleta bat emateagatik[11]. Azizulek lehen hezkuntza Sekolah Kebangsaan Batu 48n jaso zuen, eta, bigarren mailako ikasketak, Dungungo Sekolah Menengah Kebangsaan Sultan Omar-en jarraitu zituen. PMR azterketaren ondoren, MRSM, Science School eta Bukit Jalil Sports School-en eskaintzak jaso zituen. Azkenean, Bukit Jalil-eko kirol eskola nazionalera joatea aukeratu zuen txirrindularitzan zuen interesagatik eta, gainera, garai hartan mediku edo kirolari izateko asmoa zuelako.
Azizul kirol zientzietan lizentziatua da (Kirol Mugimenduan Lizentziatura) Melbourneko Victoria Unibertsitatean, Australian[12]. 2015ean, Victoria Unibertsitateko Blue Saria jaso, eta Australiakoa ez den lehen atleta bihurtu zen [13].
Ibilbidea
Azizulhasniren lorpen handienak 2017ko UCI Pista Txirrindularitzako Mundu Txapelketan[14] urrezko domina eta 2020ko Tokioko Olinpiar Jokoetan zilarrezko domina irabaztea izan dira. Beste lorpenen artean, 2009ko Mundu Txapelketan sprint kategorian zilarrezko domina eta 2010eko Munduko Txapelketan keirin kategorian zilarrezko domina daude. 2009 eta 2010ean, Malaysiako Urteko Kirolari izendatu zuten.
2011ko otsailean, Azizul istripu batean nahastuta egon zen Manchesterren, Mundu Kopako keirin ekitaldiko finalean, non lesio larria izan baitzuen 20 cm-ko egurrezko ezpala bat hankatik sartuta. Urte hartan, Munduko Txapelketatik kanpo geratu zen[15].
2017ko Asiako Hego-ekialdeko Jokoetan, Azizul urrezko dominaren 111. irabazlea izan zen, eta Malaysiarako urrezko domina lortu zuen Nilaiko Belodromo Nazionalean, gizonezkoen esprint kategorian txapeldun izan ondoren. Azizul, 2017ko Asiako Hego-ekialdeko Jokoetan, Malaysiako bandera-eramaile ere izan zen Cheong Jun Hoong urpekariarekin eta Mohd Al-Jufferi Jamari silat erakuslearekin batera[16][17].
Bizitza pertsonala
Azizul Athiah Ilyana Abd Samat-ekin ezkondu zen 2010eko urtarrilaren 30ean[18]. Bikotea Melbournen bizi da beren bi alabekin[19].
Lorpenak
2016ko Udako Olinpiar Jokoetan, brontzeko domina lortu zuen keirin modalitatean, Jason Kenny britaniarraren (urrezkoa) eta Matthijs Büchli herbeheretarraren (zilarrezkoa) atzetik sailkatuz[20][21].
2020ko Udako Olinpiar Jokoetan, zilarrezko domina lortu zuen keirin modalitatean, Jason Kenny britainiarraren (urrezkoa) atzetik eta Harrie Lavreysen herbeheretarraren aurretik sailkatuz[20][21].
Udako Olinpiar Jokoetako emaitzak
2020ko Udako Olinpiar Jokoak | |||
---|---|---|---|
Urtea | Lekua | Domina | Proba |
2016 | Rio de Janeiro![]() | ![]() | Txirrindularitza gizonezkoa[22]. |
2020 | Tokio ![]() | ![]() | Txirrindularitza gizonezkoa[23]. |
- Pista Txirrindularitzaren Munduko Sailkapena
- 2008/09 – 1. Keirin
- 2010/11 – 1. Keirin
- Asiako Jokoak
- Mankomunitateko Jokoak
- 2016 -
Keirin
- 2020 -
Keirin
Sariak eta lorpenak
- Sportswriters Association of Malaysia (SAM)-100Plus atleta onenaren saria: 2009, 2017[24]
Ohoreak
Malaysiako ohoreak
Malaysia :
Erreinuaren Defendatzailearen Ordenako ofiziala (KMN) (2017)[25] [26].
Erreinuaren Defendatzailearen Ordenako (AMN) kide (2016)[26].
Terengganu :
Terengganuko Koroaren Ordenako zaldun komandantea (DPMT) - (2021)[27][28].
Erreferentziak
Kanpo estekak
- Official website
- Azizulhasni Awang at Cycling Archives
- Azizulhasni Awang at CycleBase
- Azizulhasni Awang at Olympedia
- Azizulhasni Awang at the Commonwealth Games Federation
- Azizulhasni Awang at the Commonwealth Games Federation