1971ko Indo-Pakistandar Gerra

1971ko Indo-Pakistandar Gerra Indiako eta Pakistango indarren arteko borroka militarra izan zen. 1971ko abenduaren 3tik 1971ko abenduaren 16an Dhaka erori zen arte iraun eta Ekialdeko Pakistanen Bangladeshko Askapen Gerrak eragin zuen. Gerra Chengiz Khan Operazioarekin, hau da, 11 aire-estazio indiarren aurka egindako prebentziozko aire-erasoekin hasi zen, eta horrek Pakistanekiko liskarrak hasi zituen eta India Ekialdeko Pakistanen independentziaren aldeko gerran sartu zen, bengaliar nazionalisten alde (Mukti Bahini) eginez. Hamahiru eguneko bere iraupena kontuan hartuz, historiako gerrarik laburrenetakoa da.^[1][2] Prozesuan, Bangladeshko Askapen Gerraren zati ere bihurtu zen, bederatzi hilabete iraun zuena.

1971ko Indo-Pakistandar Gerra
Mota	gerra
Honen parte da	guerre indo-pakistanaise (en)
Denbora-tarte	1971ko abenduaren 3a - 1971ko abenduaren 16a
Data	1971ko abenduaren 16a
Kokaleku	Bangladesh–India border (en) Bengalako golkoa Indo-Bangladesh enclaves (en) India–Pakistan border (en) Line of Control (en) Arabiako itsasoa
Parte-hartzaileak	India Pakistan
Honen ondorioa	Pakistani Instrument of Surrender (en)

Gerran, Indiako eta Pakistango armadak, aldi berean, ekialdeko eta mendebaldeko fronteetan elkar borrokatu zuten; gerra, Pakistango Armadaren Ekialdeko Aginteak, 1971ko abenduaren 16an Dhakan Errendizio Ituna sinatu ondoren amaitu zen.^[3] Honek Ekialdeko Pakistanen independentzia suposatu zuen, Bangladesh nazio berri bihurtuz. Ofizialki, 1971ko martxoaren 26an Ekialdeko Pakistanek Pakistanen sezesioa eskatu zuen. Gutxi gorabehera 90.000 eta 93.000 militar pakistandar artean preso hartu zituen Indiako armadak, horien artean 79.676 eta 81.00 Pakistango Armadakoak, Pakistanekiko leialak izan ziren bengaliar soldadu batzuk barne.^[4] Gainerako 10.324-12.500 presoak zibilak, militarren senideak edo laguntzaileak (razakar izenekoak) ziren.

Kalkuluen arabera, Pakistango armadako kideek eta Pakistanen aldeko milizia islamistek 300.000 eta 3.000.000 zibil artean hil zituzten Bangladeshen.^[5] Gatazkaren ondorioz, beste zortzi eta hamar milioi pertsona artean herrialdetik ihes egin zuten Indian babesa bilatzeko.^[6]

1971ko Bangladeshko Askapen Gerran, Pakistango armadako kideek eta razakar izeneko pakistandarren aldeko milizia islamistek 200.000 eta 400.000 emakume eta neska bangladeshtar bortxatu zituzten, bortxaketa genozida kanpaina sistematiko batean.^[7]