Zamenhofa Metiejo
Zamenhofa Metiejo estas ĉiujara nacia renkontiĝo de kubaj esperantistoj organizata de la Esperanto-Grupo de Guantánamo. La renkontiĝo estas realigata en decembro okaze de la 15-an de decembro kaj omaĝe al Zamenhof. Dum tiu kunveno esperantistoj konatiĝas kun la bunta loka kulturo, okazas prelegoj pri Zamenhof kaj multaj variaj temoj, rondaj tabloj, ekskursoj, lecionoj por komencantoj kaj lotumado de esperantaĵoj. Ĝin partoprenas inter 40 kaj 50 esperantistoj el diversaj provincoj kaj urboj. La metiejo ofte okazas en la kampadejo Yakabo (en Imias), foje en Baracoa kaj malofte en urbo Guantánamo.
| ||||
|---|---|---|---|---|
| Nomo | Guantanama Zamenhofa Metiejo | |||
| Regiono | Guantánamo | |||
| Periodo | 15-a de decembro | |||
| Organizanto | Guantanama Esperanto-Filio de KEA | |||
| Ekzistas ekde | ||||
| Celgrupo | esperantistoj el la orienta regiono kaj Kubo | |||
| Informa retpaĝo | https://esperanto.cult.cu | |||
Laŭ membroj de Kuba Esperanto-Asocio ĝi estas la plej tradicia kunveno de esperantistoj dum la jaro, ĉar ĝi estas organizita pli ol 20-foje sinsekve, eĉ post huraganoj kaj dum KOVIMO ĝi okazis rete (kaj parte ĉeeste).
