Sliač

La urbo situas en valo kaj ambaŭ bordoj de Hron, laŭ flankovojoj, laŭ fervojo Zvolen-Banská Bystrica, aŭtoŝoseo preteriras. Ponto troviĝas tra Hron. Apud la urbeto internacia flughaveno funkcias. Zvolen troviĝas 5 km.

Sur loko de vilaĝo "Hajnik" slavoj loĝis en la 6-a jarcento. La unua mencio devenis el 1250 en formo Villa Custodum silvarum. Ekde la 14-a jarcento la komunumo apartenis al burgo de Zvolen. Inter 1582-1657 la vilaĝo apartenis al Turka Imperio, dume en 1626 la vilaĝo bruldetruiĝis. La loĝantoj iĝis kalvinanoj, la katolika paroĥo refondiĝis en 1675. Incendio okazis en 1876. En 1910 loĝis en la vilaĝo 696 da homoj, (hungaroj en minoritato, slovakoj en majoritato). La vilaĝo ĝis 1919 apartenis al Zvolena ĵupo, al distrikto de Zólyom. Poste ĝi apartenis al Ĉeĥoslovakio.

La unua mencio devenis el 1249 en formo Halasz (=fiŝisto), apartenanta al fortikaĵo de Zvolen. Inter 1582-1668 la vilaĝo apartenis al Turka Imperio. La loĝantoj kulturis precipe lupolon aŭ bredadis bovojn. En 1910 loĝis en la vilaĝo 671 da homoj, (slovakoj en majoritato, hungaroj en minoritato). La vilaĝo ĝis 1919 apartenis al Zólyom (reĝa departemento), al distrikto de Zvolen. Poste ĝi apartenis al Ĉeĥoslovakio.

La banejo troviĝas en la maldekstra bordo, la vilaĝoj en la dekstra bordo. Ambaŭ vilaĝoj kaj la baneja setlejo en 1959 unuiĝis kaj urbiĝis en 1969. En 2001 loĝis en la urbo 4667 da homoj, (4485 slovakoj).

• gotika katolika preĝejo omaĝe al Sankta Nikolao el la 13-a jarcento
• kapelo omaĝe al Sankta Hildegardo de 1855
• nobeldomo de 16-a jarcento
• la kuracbanejo estis konata en la 13-a jarcento, restis impona klasikisma baneja domo el la 19-a jarcento
• luterana preĝejo de 2003
• duetaĝa kastelo