Robert Reid (pentristo)
Robert Lewis Reid (29a de Julio 1862 – 2a de Decembro 1929) estis usona impresionisma pentristo kaj murpentristo.
| Robert Reid | |
|---|---|
_(cropped).jpg) | |
| Persona informo | |
| Naskiĝo | 29-an de julio 1862 en Stockbridge |
| Morto | 2-an de decembro 1929 (67-jaraĝa) en Clifton Springs |
| Lingvoj | angla |
| Ŝtataneco | Usono  |
| Alma mater | Académie Julian |
| Okupo | |
| Okupo | pentristo |
Vivo kaj verkaro
Li translokiĝis en 1884 al Novjorko kaj en 1885 al Parizo por studi ĉe la Académie Julian kun Gustave Boulanger kaj Jules Joseph Lefebvre. Liaj komencaj pentraĵoj estis figuroj de francaj kamparanoj, pentritaj ĉe Étaples.
Post reveno en Novjorkon en 1889, li laboris kiel portretisto kaj poste iĝis instruisto ĉe la Art Students League kaj por la Cooper Union. Multo el lia verkaro centriĝis en la priskribo de junaj virinoj inter floroj. Lia verkaro tendencis esti tre ornameca, kaj li iĝis konata pro murpentraĵoj kaj desegnoj por vitraloj. Li kontribuis kun aliaj por la freskoj de la kupolo de la Konstruaĵo de Liberalaj Artoj de la Monda Kolumba Ekspozicio, Ĉikago, en 1893.
Murpentraĵoj
Kono (1896). Konstruaĵo Thomas Jefferson, Vaŝingtono
Saĝo (1896). Konstruaĵo Thomas Jefferson, Vaŝingtono
Eksteraj ligiloj
- The affairs of Anatol by Robert Reid, ekspozicia katalogo disponebla kiel teksto PDF