Rances VD

La komunumo Rances situas sur la tavolo inter la ebenaĵo de la rivero Orbe kaj la Ĵurasa Montaro proksimume 8 kilometrojn okcidente de la distriktĉefurbo Yverdon-les-Bains. La komunumo konsistas el la vilaĝo Rances, la setlejo Pra Tecoz kaj diversaj izolitaj bienoj.^[1]

La teritorio de la komunumo etendiĝas sur areo de 9,83 km², de kiuj 31,3% estas kovritaj de arbaro, 62,8% servas por agrikulturo kaj 5,0% por setlado.^[2]

La komunumo Rances limas en nordo al Baulmes, en nordoriento al Champvent, en nordoriento al Mathod, en sudsudoriento al Valeyres-sous-Rances, en sudo al Sergey, kaj en sudokcidento kaj okcidento al L'Abergement.

Rances situas flanke de la gravaj trafikvojoj. Tra la komunumo pasas konekta vojo de Valeyres-sous-Rances al Baulmes. La plej proksima alveturejo al la svisa aŭtovojo A9 situas 2 kilometrojn sude de la komunumo en Valeyres-sous-Rances.

La unua dokumenta mencio de Rances datiĝas el la jaro 972 kiel Rancias. En la arbaro Champs des Bois troviĝas unu el la unua tombomontetoj en Kantono Vaŭdo, kiu estis science esplorita. Estis trovita restaĵoj de ĉaro el la bronzepoko en la centra tombo kaj libreto el la La-Tène-epoko en flanka tombo. Dum la frua mezepoko Rances estis la ĉefloko de la Senjorujo Les Clées. En la jaro 1539 la barono Jacques de Gallera vendis la ministrejon Rances al la urbo Berno. Sub la berna regado de 1536 ĝis la Helveta Revolucio de 1798 Rances apartenis al la Subvoktejo Les Clées de la Voktejo Yverdon. Post la Helveta Revolucio ĝi estis atribuita al la Distrikto Orbe, kiu kun efiko de la 1-a de januaro 2008 surbaze de la administra reformo de 2006 estis integrita al la nova Distrikto Vaŭda Nordĵuraso.^[3]

• Aliaj lokoj kun la nomo Rances

• Oficiala retejo de la komunumo Rances

• 
  Vilaĝeniro
• 
  Preĝejo
• 
  Kamparanaj domoj en la vilaĝa centro
• 
  Vilaĝa strato