Natasha Richardson
Natasha RICHARDSON (naskiĝis la 11-an de majo 1963 en Londono, mortis la 18-an de marto 2009 en Novjorko) estis brita aktorino.Ŝiaj gepatroj estis la aktorino Vanessa Redgrave kaj la reĝisoro Tony Richardson. Geaktoroj ankaŭ estas ŝia fratino Joely Richardson kaj ŝia onklino Lynn Redgrave. La aktoro Michael Redgrave estis ŝia avo.
Natasha Richardson lernis la aktoradon en la Londona Central School of Speech and Drama. Ŝi transprenis teatrajn rolojn en Britio kaj en la Novjorka Teatro Broadway kaj ekde la 1980-aj jaroj ŝi ankaŭ aperis en televidaj produktaĵoj kaj kinofilmoj.
De 1990 ĝis 1992 ŝi estis la edzino de la filmproduktoro Robert Fox. En la jaro 1994 ŝi edziniĝis al la aktoro Liam Neeson, ili havis du filojn.
La 16-an de marto 2009 ŝi dum ski-akcidento en Mont Temblant, Kanado akiris gravajn kapvundojn. Komence ŝi estis kuracata en Montrealo, sed sekvatage ŝi moviĝis la Novjorka hospitalo, kie ŝi la 18-an de marto mortis.
Listo de filmoj
- Every Pictures Tells a Story (1983)
- Gothic (1986)
- A Month in the Country (1987)
- Patty Hearst (1988)
- Fat Man and Little Boy (1989)
- The Handmaid’s Tale (1989)
- The Comfort of Strangers (1990)
- The Favour, the Watch and the very big Fish (1991)
- Past Midnight (1991)
- Hostages (1993)
- Nell (1994)
- Widows' Peak (1994)
- The Parent Trap (1998)
- Blow Dry (2001)
- Haven (2001)
- Chelsea Walls (2001)
- Maid in Manhattan (2002)
- Waking Up in Reno (2002)
- Asylum (2005)
- The White Countess (2005)
- Evening (2007)
- Wild Child (2008))