Nacia Muzeo kaj Centro de Esploro de Altamira
La Nacia Muzeo kaj Centro de Esploro de Altamira (aŭ simple Muzeo de Altamira) estas centro por konservo, esploro kaj diskonigo de la kaverno Altamira, kiu estas deklarita Monda heredaĵo de Unesko. Ĝi situas en Santillana del Mar (Kantabrio, norda Hispanio), apud la fama kaverno.
| Nacia Muzeo kaj Centro de Esploro de Altamira | |
| Muzeo de Altamira | |
| muzeo | |
 Enirejo de la muzeo. | |
| Oficiala nomo: Museo Nacional y Centro de Investigación de Altamira | |
| Kromnomo: Museo de Altamira | |
| Ŝtato |  Hispanio |
|---|---|
| Regiono | Kantabrio |
| Urbo | Santillana del Mar |
| Koordinatoj | 43° 22′ 38.83″ N 4° 7′ 22.55″ U / 43.3774528 °N, 4.1229306 °U (mapo) |
| Estiĝo | 2001 |
| Horzono | MET (UTC+1) |
| - somera tempo | MET (UTC+2) |
  Situo kadre de Hispanio | |
 Vikimedia Komunejo: Museo de Altamira | |
| Retpaĝo: http://museodealtamira.mcu.es/ | |
Ĉar grandega nombro de homoj volis viziti la kavernon Altamira, vizitantoj devis atendi pli ol unu jaro por vice eniri. Dum longa konsiderado, oni decidis konstrui kopion de la kaverno. Kune de kopio, oni inaŭguris ankaŭ la muzeon, laŭ projekto de arkitekto Juan Navarro Baldeweg. Fakte, de la jaro 2002 la originala kaverno ne estas vizitebla pro konservo-kialoj.
En la muzeo plej rimarkinde staras la artefarita kopio de la kaverno, ofte nomita "Novkaverno de Altamira" (hispane, Neocueva). Ĝi estas la plej simila kopio de la kaverno, tia kia ĝi estis antaŭ 15.000 jaroj. En ĝi oni povas vidi kopion de la mondfamaj prahomaj pentraĵoj, pentritaj de Pedro Saura kaj Matilde Múzquiz (Komplutensa Universitato de Madrido). Dum pentrado oni uzis la samajn teknikojn de desegno, pentrado kaj gravurado uzitaj de prahomoj dum Paleolitiko. La esploro por fari kopion estis tiel profunda, ke oni malkovris eĉ novajn pentraĵojn kaj gravuraĵojn.
Kolekto
En la muzeoj ekzistas pluraj kolektoj el eroj malkovritaj en la kaverno Altamira kaj aliaj proksimaj kavernoj, ekzemple:[1]
- Kaverno Altamira (Santillana del Mar, Kantabrio)
- Ĉirkaŭa areo de Altamira (Santillana del Mar, Kantabrio)
- Prahistoria elkavejo en Cuchía (Cuchía, Miengo, Kantabrio)
- Kaverno El Castillo (Puente Viesgo, Kantabrio)
- Kaverno Morín (Villanueva de Villaescusa, Kantabrio)
- Kaverno Rascaño (Mirones, Miera, Kantabrio)
- Kaverno El Salitre (Ajanedo, Miera, Kantabrio)
- Kaverno Chufín (Riclones, Cantabria)
- Kaverno Juyo (Igollo de Camargo, Kantabrio)
- Kaverno La Pila (Cuchía, Miengo, Kantabrio)
- Kaverno Las Estalactitas (Santillana del Mar, Kantabrio)
- Kolekto de la Instituto
- Pluraj elkavejoj sub la libera ĉielo
