Nederlanda Esperanto-Junularo
"NEJ" alidirektas ĉi tien. Por aliaj uzoj, vidu la paĝon NEJ (apartigilo).
La Nederlanda Esperanto-Junularo (NEJ; nederlande Nederlandse Esperanto-Jongeren) estas la landa sekcio de la Tutmonda Esperantista Junulara Organizo (TEJO) por Nederlando kaj havas sian sidejon en Amsterdamo.
| Nederlanda Esperanto-Junularo | |
|---|---|
| Nederlandse Esperanto-Jongeren | |
 | |
| Lando |  Nederlando |
| Fondiĝo | 9-an de januaro 1965 |
| Fondiĝloko | Amsterdamo |
| Interretejo | Oficiala retejo (en Esperanto) |
Laŭ la statuto ĝi celas disvastigi Esperanton, speciale inter junuloj en Nederlando, kaj konsciigi junulojn en Nederlando pri la lingvaj problemoj en la mondo.
La asocio estis fondita la 9-an de januaro 1965 en Amsterdamo. La antaŭan jaron okazis IJK 1964 en Amsterdamo. Ekde tiam, NEJ ĉiujare organizas kunvenojn.
Ekde 1975 Jen (Jongeren Esperanto Nieuws, aŭ Junularaj Esperanto-Novaĵoj) estis la asocia revuo. Ĝi estis eldonita kune kun la Flandra Esperantista Junulara Asocio (FLEJA) ĝis 2006.
Agadoj
Ĝis la jaro 2006 NEJ ĉiujare organizis renkontiĝon antaŭ la somero, la Printempan Renkontiĝon. Ekde 2012 organiziĝas renkontiĝo post la somero, la KlaĉKunveno PostSomera. Cetere regule okazas ludsemajnfinoj.
Estraro
Pli detalaj informoj troveblas en artikolo estraro de NEJ.La estraro elektita je la 29-a de oktobro 2022 dum la 10-a KlaĉKunveno PostSomera en Delft, Nederlando, por la oficperiodo 2022-2023[1]:
- Marc Konijnenberg: prezidanto;
- Robin van der Vliet: sekretario;
- Spencer van der Meulen: kasisto;
- Arnold Averink: estrarano
Vidu ankaŭ
Referencoj
Eksteraj ligiloj
- Oficiala retejo Arkivigite je 2021-06-10 per la retarkivo Wayback Machine (en Esperanto)
- Oficiala retejo (en la nederlanda)
- Nederlanda Esperanto-Junularo ĉe Twitter
