Montalchez

Montalchez situas ĉe la suda flanko de la Neŭŝatela Ĵuraso en la regiono Béroche proksimume 17 kilometrojn okcidentsudokcidente de la kantonĉefurbo Neŭŝatelo tute en la okcidento de la kantono. La komunumo konsistas el la vilaĝo Montalchez, la setlejoj La Combe norde de la vilaĝo sur alteco de 807 m s.m., la setlejo Corne du Bois sur alteco de 673 m s.m., kaj diversaj izolitaj bienoj. La plej alta punkto de la komunumo situas sur alteco de 1465 m s.m. sur la kulmino de la monto Soliat.

La teritorio de la komunumo etendiĝas sur areo de 4,62 km², de kiuj 37,5% estas kovritaj de arbaro, 57,9% servas por agrikulturo kaj 4,2% por setlado.^[1]

La komunumo Montalchez limas en nordo al Gorgier, en oriento al Saint-Aubin-Sauges, en sudo al Fresens, kaj en okcidento al Provence (VD).

Montalchez situas flanke de la gravaj aŭtomobilaj trafikvojoj. Tra la komunumo pasas vojo de Saint-Aubin-Sauges al Provence, sur kiu cirkulas aŭtobuso, per kiu la komunumo estas konektita al la publika transportreto. Flanka vojo kondukas de Montalchez al Fresens.

La unua dokumenta mencio de Montalchez datiĝas el la jaro 1340 kiel villa de Montallichie. Sur la teritorio estis trovitaj restaĵoj de la romia vojo der Vy d'Etra. Dum mezepoko Montalchez apartenis al la Senjorujo Gorgier, kiu en la jaro 1344 fariĝis havaĵo de la Grafoj de Neŭŝatelo.^[2]

• Oficiala retejo de la komunumo Montalchez^{[rompita ligilo]}