Léon Foucault

Jean-Bernard-Léon FOUCAULT (n. la 18-an de septembro 1819 en Parizo, m. la 11-an de februaro 1868, samloke) estis franca fizikisto, kiu ellaboris metodon por tre preciza mezuro de la absoluta lumrapido. Li pruvis ĉirkaŭaksan rotacion de la Tero.

Léon Foucault
Persona informo
Léon Foucault
Naskonomo	Jean Bernard Léon Foucault
Naskiĝo	18-an de septembro 1819 (1819-09-18) en Parizo
Morto	11-an de februaro 1868 (1868-02-11) (48-jaraĝa) en Parizo
Mortis pro	Naturaj kialoj vd
Mortis per	Multloka sklerozo vd
Tombo	Tombejo de Montmartre vd
Etno	Francoj vd
Lingvoj	franca vd
Loĝloko	Francio vd
Ŝtataneco	Francio vd
Alma mater	Collège Stanislas vd
Familio
Edz(in)o	–
Profesio
Okupo	fizikisto astronomo vd
Laborkampo	Fiziko, meĥaniko kaj optiko vd
Aktiva dum	1839–1868 vd
Verkado
Verkoj	pendolo de Foucault vd
Honorigoj Honorigoj (9-a de junio 1864)  eksterlanda ano de la Reĝa Societo (1855)  Medalo Copley  listo de la 72 nomoj sur la Eiffel-Turo vd
Membrecoj Membrecoj Reĝa Societo de Londono Akademio de Sciencoj de Francio Rusia Akademio de Sciencoj Prusa Akademio de Sciencoj Société Philomathique de Paris (en) Peterburga Akademio pri Sciencoj vd
vd	Fonto: Vikidatumoj
v • d • r

Li studis medicinon, sed poste turnis sin al la eksperimenta fiziko. Li esploris kun Armand Fizeau la lumon kaj la varmon. Li konstatis en 1850, ke la lumo estas malpli rapida en akvo ol en aero. Li samjare mezuris la rapidon de la lumo, atingante valoron, kiu diferencas nur 1 % disde la ĝusta nombro.

Foucault eksperimente pruvis en 1851, ke la Tero rotacias ĉirkaŭ sia akso. Li analizis la moviĝon de peza ferglobo, subenpendanta sur drato longa 67 m. Tiu „Foucault-pendolo” ĉiam pendolas en la sama vertikala ebeno kaj tiu ebeno malrapide ŝanĝiĝas kompare al la rotacianta Tero kaj depende de la situo de la pendolo (latitudo kaj longitudo). Foucault ricevis en 1855 pro tiu laboro kaj pro simila giroskopa eksperimento la medalon Copley de la londona Royal Society, kaj li iĝis fizikista kunlaboranto de la pariza Observatorio. Li malkovris la kirlokurenton, la t.n. „Foucault-fluojn”, kiuj aperas en kuprodisko rotacianta en magneta kampo. Li pluevoluigis la spegulan teleskopon kaj en 1859 ellaboris simplan, sed tre precizan metodon por kontrolado de la surfacaj eraroj de la teleskopaj speguloj.