Hochdorf (distrikto)

La distrikto Hochdorf situas en la Svisa Mezlando. Ĝi estas la nordorienta parto de Kantono Lucerno kaj etendiĝas en la lucerna parto de la tiel nomita valo Seetal, kiu ricevis sian nomon de la Lago de Baldegg kaj la Lago de Hallwil. La sudan limon de la distrikto formas la rivero Reuss. La distrikto kovras areon de 183,95 km². La plej granda komunumo de la distrikto estas la urbo Emmen, kiu fakte apartenas al la aglomeraĵo de Lucerno.

La distrikto Hochdorf limas en nordo al la distriktoj Kulm kaj Lenzburgo (ambaŭ en Kantono Argovio) , en oriento al la distrikto Muri (Kantono Argovio), en sudo al la distrikto Lucerno, kaj en okcidento al la distrikto Sursee.

Tra la distrikto Hochdorf pasas la trajnlinio de Svisaj Federaciaj Fervojoj de Lencburgo al Lucerno, kiu estas konata sub la nomo Seetal-Fervojo.

Tra la suda parto de la distrikto pasas la nacia aŭtoŝoseo A14 de Lucerno al Zugo. En sudokcidento en Emmen troviĝas la aŭtoŝosekruco de A2 kun A14.

Hochdorf estis de 1386 ĝis 1418 lucerna voktejo. Ek de 1418 ĝi estis parto de la kamparvoktejo Rothenburg, la tiel nomita ekstera voktejo. Post la fino de la Helveta Respubliko en la jaro 1803 la interna kaj ekstera distriktoj Rothenburg estis kunigitaj al la nuna lucerna distrikto Hochdorf.

La distrikto Hochdorf konsistas el 14 komunumoj (stato de la 1-a de januaro 2009). Jen la aktuala listo:

Blazono	Nomo	Loĝantoj (2007-12-31)	Areo en km²	Komunumkodo
	Aesch	957	5.80	1021
	Altwis	352	2.93	1022
	Ballwil	2395	8.77	1023
	Emmen	27'205	20.37	1024
	Ermensee	810	5.69	1025
	Eschenbach	3409	13.21	1026
	Hitzkirch	4589	28.30	1030
	Hochdorf	8246	10.31	1031
	Hohenrain	2359	23.52	1032
	Inwil	2127	10.32	1033
	Rain	2214	9.42	1037
	Römerswil	1565	17.39	1039
	Rothenburg	7032	15.50	1040
	Schongau	848	12.43	1041
	Totale (14)	64'108	183.95	0302

• La distrikto Hochdorf en la retejo de Kantono Lucerno Arkivigite je 2009-06-05 per la retarkivo Wayback Machine
• La distrikto Hochorf en la Historia Leksikono de Svislando